| e-texts navigator |
| Wylie |
177b1 མི་རྒྱ། ནམ་མཁའ་མ་བཀག་པར་འོད་མི་གསལ།། ཆོས་སྤྱོད་མ་བྱས་ན་འཁོར་བར་མི་ལྟུང་། མཚམས་མེད་པ་ལྔ་མ་བྱས་པར་འབྲས་བུ་མི་འཐོབ།། སེམས་ཅན་ལ་སངས་རྒྱས་སུ་འདོད་པ་འཁྲུལ་པ་ལ་འཁྲུལ་པ
177b2 བརྩེགས། ཀུན་གཞི་ཆོས་སྐུར་འདོད་པ་མཐའ་མེད་པའི་རྒྱ་མཚོ་ལ་འབོག། དཀར་ཁུང་མ་བཀག་པར་ནམ་མཁའ་མི་གསལ། མ་སོང་བར་ཕྱིན་པའི་ས་ལ་འདུག། མ་བྱས་པར་ཟིན་པའི་ལས་ཀྱིས། རྒྱལ་པོ་ཡུལ
177b3 འཁོར་རྩེ་ནས་ཆོམས། ལྷན་ཅིག་འགྲོགས་པའི་ཕ་མ་གཉིས་རྒྱ་མཚོའི་གཏིང་དུ་སོང་ལ། རི་རབ་ཀྱི་རྩེ་ནས་བྱ་ར་གྱིས་ཤིག། བཅོམ་ལྡན་འདས་རྡོ་རྗེ་འཆང་ཆེན་པོས་སྒྲ་ཐད་ཀློག་ཏུ་བསྟན་པའོ།། དེ་ནས་ལྟ་བའི་ལ
177b4 གཅོད་འདི་འགྲོ་བའི་ཆེད་དུ་གསུངས་སོ།། སངས་རྒྱས་དང་སེམས་ཅན་གཉིས་ལ་རྒྱུ་གཉིས་ལས་མེད་པར་ལ་རྦད་ཀྱིས་ཆོད། རྒྱུ་དེ་ཡང་སངས་རྒྱས་ཡིན་པར་ཐག་ཆོད། དེ་རང་གི་ངོ་བོ་མ་ཤེས་པས་འཁྲུལ་པ་མ
177b5 རིག་པར་ལ་ཟད་ཀྱིས་ཆོད། དེ་ཡང་མེ་ལོང་ལ་བརྟེན་ནས་སྐྱེས་བུ་རང་གི་བྱད་མཐོང་བར་ལ་ཟད་ཀྱིས་ཆོད། དེ་མཐོང་བའི་དོན་ལ་མ་ཡེངས་པར་ཟག་ཆོད། དངོས་པོའི་གནས་ལུགས་ལ་བསྒོམ་དུ་མེད་པར་ལ་རྦད
177b6 ཀྱིས་ཆོད། བསྒོམས་པས་རྙེད་ན་གནས་ལུགས་མིན་པར་ཐག་ཆོད། བསྒོམ་དུ་མེད་པའི་དོན་གཅིག་མ་ཤེས་པར་སངས་མི་རྒྱ་བར་ལ་རྦད་ཀྱིས་ཆོད། འཁོར་བ་ཐོག་མཐའ་མ་ཤེས་པར་མན་ངག་གི་ཐག་མི་ཆོད
iiif viewer powered by OpenSeadragon
