| e-texts navigator |
| Wylie |
176a1 བསྒོམ་དུ་མེད་དོ།། བསྒོམས་པས་རྙེད་ན་གནས་ལུགས་མིན། ཁུག་པ་ལྔ་པས་སྤྱི་བཅིངས་པའོ།། རྡོ་རྗེ་འཆང་ཆེན་མན་ངག་ནི། གང་འཁྲུལ་ཅིས་འཁྲུལ་ཅིར་འཁྲུལ་དེ་གང་གིས་ཤེས། ཅིར་ཤེས།
176a2 ཅིས་ཤེས། ཐོག་མར་རང་གི་རྩལ་སྣང་བ་ལ་ངེས་པའི་བག་ཆགས་པས་ཡུལ་དུ་མར་སྣང་ངོ་།། ཤེས་པ་ལ་འཛིན་པའི་རྟོག་པ་གློ་བུར་བར་བྱུང་བས་སེམས་དུ་མར་སྣང་ངོ་།། དུ་མ་སྲིད་པར་ཆགས་སོ།། དེ་ཡང་དཔེར
176a3 ན་ཤེས་པ་གློ་བུར་དུ་སྣང་བའི་དབང་གིས། མར་མེ་གཅིག་ལས་གཉིས་སུ་ཕྱེ་བའམ། ས་བོན་གཅིག་ལས་མྱུ་གུ་ཐ་དད་དུ་སྣང་བ་བཞིན། ཤེས་པ་སྔ་མ་ལས་རང་རིག་སྣང་བ་ལ་འཛིན་པའི་བློས་ཡུལ་བདག་ཏུ
176a4 བཟུང་། དེས་སེམས་དང་སེམས་ལས་བྱུང་བའི་ཆོས་དུ་མ་སྣ་ཚོགས་སུ་སྣང་ངོ་།། ཤེས་པ་རྒྱུན་འདབ་འབྱོར་བས་ཕྱི་མ་ལས་ངོ་བོ་ཉིད་མ་བཅོས་པར་སྣང་བ་ལས། འགག་པ་མེད་པའི་ཡེ་ཤེས་རང་ངོ་།། རིག་པ
176a5 འགག་པ་མེད་པས་ཐོག་མར་ཡང་མ་འགགས། བར་དུ་ཡང་མི་འགག། ཐ་མར་ཡང་མི་འགོག་གོ། འབྲས་བུ་སངས་རྒྱས་ཀྱི་ས་ན་ཡང་ངོ་བོ་གཅིག་རང་བཞིན་ཐ་མི་དད་དོ།། རྒྱུ་སེམས་ཅན་གྱི་དུས་ན་ཡང་ངོ་བོ
176a6 གཅིག་རང་བཞིན་ཐ་མི་དད་དོ།། དེའི་དུས་སུ་གཉིས་སྣང་གི་རྟོག་པ་གཞི་མ་གྲུབ་པས། མེ་ལོང་དང་གཟུགས་བརྙན་གྱི་ཚུལ་དུ་སྣང་ངོ་།། རྟོགས་པའི་དུས་ན་ཡང་དེ་བཞིན་ནོ།། གསང་བ་སྤྱི་བཅིངས་རྒྱལ
iiif viewer powered by OpenSeadragon
