| e-texts navigator |
| Wylie |
175a1 མཚོན་དུ་མེད།། སངས་རྒྱས་ཡུལ་དུ་བསྟན་པ་བདག་གིས་འཁྲུལ།། བསྒོམ་དུ་མེད་པའི་ལྟ་བ་ལ།། ཡེངས་པ་མེད་པའི་བློ་བཞག་སྟེ།། སྐྱེ་བ་མེད་པའི་དབྱིངས་ཉིད་དུ།། འཆི་བ་མེད་པའི་རིག་པ
175a2 བཞག། འདུ་འབྲལ་མེད་པའི་རང་བཞིན་ལ།། བཏང་སྙོམས་ཆེན་པོའི་དོན་གཅིག་བཞག། ཆགས་སྡང་མེད་པའི་བདེ་འཇམ་ལ།། སྤང་ལེན་མེད་པའི་དོན་གཅིག་བཞག། གཞི་རྩ་མེད་པའི་ཀློང་ཡངས་སུ། ཁྱབ
175a3 གདལ་ཆེན་པོའི་དོན་གཅིག་བཞག། ཡེ་ནས་རང་བྱུང་ཆེན་པོ་ལ།། བརྗོད་པ་མེད་པའི་ཏིང་འཛིན་བཞག། གདོད་ནས་རྣམ་དག་ཆོས་དབྱིངས་ལ།། དམིགས་པ་མེད་པའི་འཛིན་པ་བཞག། ཡུལ་དུ་སྣང་བ་ཡུམ་གྱི
175a4 ཀློང་།། རིག་པར་སྣང་བ་ཡབ་ཀྱི་མཁའ།། མཁའ་ཀློང་གཉིས་སུ་ཐམས་ཅད་འདུས།། དེ་ལ་དཔེ་ཡིས་མཚོན་དུ་མེད།། དེ་ཕྱིར་དུས་གསུམ་སངས་རྒྱས་ཀྱིས།། བཙལ་ཡང་རྒྱལ་བས་མི་རྙེད་དོ།། རང་བྱུང་བཙལ་མེད
175a5 བདེ་བ་རིག་པའི་ཀློང་།། འདུ་འབྲལ་མེད་པར་བྷ་གའི་རྒྱ་མཚོ་ལ།། ངང་གིས་མ་ཆགས་པདྨ་འདམ་སྐྱེས་འདྲ།། ཀུན་ཏུ་བཟང་པོ་དངོས་མེད་ཀློང་ཆེན་ན།། དུས་གསུམ་རྒྱལ་བའི་ཕོ་བྲང་འགྱུར་མེད་བཏབ།། ངེས
175a6 པའི་དོན་ལ་མ་ཡེངས་བློ་བཞག་ན།། མི་འགྱུར་བསམ་གཏན་ཞེས་བྱའོ།། སྒྱུ་མ་ལྟ་བུའི་ཡེ་ཤེས་ལ་བློ་མི་བཞག། སངས་རྒྱས་ཀྱི་དགོངས་པ་དམིགས་སུ་མེད་དོ།། མྱ་ངན་ལས་འདས་པའི་གྲོང་ཁྱེར་ལ་བགྲོད་དུ་མེད
iiif viewer powered by OpenSeadragon
