| e-texts navigator |
| Wylie |
174b1 རྗེ་སེམས་དཔའི་ཞལ་མཐོང་གསུངས་པའོ།། དེ་ནས་ཟ་མ་ཏོག་སྦ་བའི་མན་ངག་འདི་དག་ཡོངས་སུ་གསུངས་སོ།། ཐོག་མའི་སངས་རྒྱས་འོད་མི་འགྱུར་བ་དེ་ལས་བྱུང་བའི་ཆོས་གསུམ། དེ་འཁྲུལ་པའི་རྐྱེན་བཞི། དེ
174b2 གསལ་དུ་མི་སྟེར་བའི་སྒྲིབ་པ་གཅིག། དེ་ལ་མཐུན་པའི་གྲོགས་ལྔ། དེ་རྟོགས་པར་བྱེད་པའི་ཐབས་བཞི་ལ། འཁྲུལ་པ་འདས་སུ་བལྟ་བ་དང་། མ་རིག་པ་གདར་ཤ་བཅད་པ་དང་། འཁོར་བ་རུ་བཟློག་པ་དང་། རིག
174b3 པ་བཞི་འཛིན་པའོ།། དེ་རྟོགས་བྱེད་མན་ངག་ལྔ་སྟེ། ཟླ་བ་མཚོན་པའི་དཔེ་ཕར་ལ་ངོས་བཟུང་བ་དང་། དོན་གྱི་སྙིང་པོ་ཚུར་ལ་ངོ་སྤྲད་པ་དང་། བརྒྱུད་པའི་མན་ངག་གིས་ཐག་བཅད་པ་དང་། ཆོས་ཉིད་མ་དང
174b4 འཕྲད་པ་དང་། ཡེ་ཤེས་རང་ས་ཟིན་པ་དང་། རྡོ་རྗེ་ལྟ་བུའི་ཏིང་ངེ་འཛིན་ཐོབ་པ་དང་། ཐམས་ཅད་མཁྱེན་པའི་ཡེ་ཤེས་ཤར་བའོ།། འགྱུར་བ་མེད་པའི་ལྟ་བར་ལ་བཟླ་བ་དང་། ཡིད་ཆེས་པའི་ལུང་གིས་རྒྱས་གདབ་པ
174b5 དང་ལྔའོ།། པདྨ་འཁྲིལ་བའི་རྒྱུད་ལས། རྡོ་རྗེ་སེམས་དཔའི་ཞལ་མཐོང་ནས། ཟ་མ་ཏོག་གི་ངོ་སྤྲད་པའི་ལེའུ་སྟེ་བརྒྱད་པའོ།། ། དེ་ནས་བཞག་ཐབས་བདུན་པ་འདི་གསུངས་སོ།། བསྒོམ་པའི་མདོ་ལ
174b6 བཞི་སྟེ། བསམ་གཏན་དོན་ལ་གང་འཇུག་ལ།། བསྒོམ་མོ་སྙམ་པའི་ནད་ཀྱིས་ཟིན་ཏ་རེ། སྟོན་པས་བསྟན་པའི་ལུང་ལ་མཐའ་གཅོད་པ། མཚན་མའི་རྣམ་རྟོག་ཅན་དུ་གྱུར་ཏ་རེ།། བདེ་གཤེགས་ཡུལ་ནི་ཚིག་གིས
iiif viewer powered by OpenSeadragon
