| e-texts navigator |
| Wylie |
173b1 གད་ལ་ཁྱབ་པར་གནས། ཤེས་རབ་ཀྱི་སྟོབས་ཡེ་ཤེས་ལྔ་སྣང་བས། ཡེ་ཤེས་འོད་ཀྱི་ཚུལ་དུ་གནས་སོ།། བདེ་བའི་ཡེ་ཤེས་ལྷག་པའི་ཡེ་ཤེས་ལས་འཕགས། མཚན་མ་དང་བྲལ་བའི་རིག་པའི་སྙིང་པོའོ།། མེད
173b2 བཞིན་དུ་སྣང་བ་ཐམས་ཅད་མཁྱེན་ཏོ།། སྔོན་བྱུང་གི་གནས། མི་གཡོ་བའི་ཤེས་རབ་ཐམས་ཅད་ཀྱི་འབྱུང་གནས། འོད་མི་འགྱུར་བ། དུས་གསུམ་གྱི་ལམ་ཆེན་པོའོ།། སངས་རྒྱས་ཐམས་ཅད་ཀྱི་ཐུགས་གསང་བ་ནི།།
173b3 སེམས་ཅན་གྱི་དོན་དུ་གསང་སྔགས་པས་གསང་སྔགས་བླ་ན་མེད་པའོ།། ནམ་མཁའ་གཞལ་མེད་ཁང་དུ་སྣོད་བཅུད་ཀྱི་རྟེན་བཅས་ཏེ། མི་ལེན་པའི་མཛད་སྤྱོད་ཀྱི་ཀློང་དུ་དྲིལ་ནས། ཐབས་ཀྱི་ཡེ་ཤེས་ཀྱི་ཤེས་རབ
173b4 ཀྱི་རྫོང་ལ་ཞེན་ནོ།། རྡོ་རྗེ་སེམས་དཔའི་བཅུད་ཀྱི་སྙིང་པོ་ཐིག་ལེ་ཉག་གཅིག་གསུངས་སོ།། པདྨ་འཁྱིལ་པའི་རྒྱུད་ལས། སྐྱེ་རྒྱུད་དང་། ལུས་ཀྱི་ཀུན་གཞི་དང་། མན་ངག་ཚིག་གསུམ་དང་། སྐུ་གསུམ་བསྲེ་བ
173b5 དང་། ཐིག་ལེ་ཉག་གཅིག་སྟེ། གཞིའི་ཆོས་ལྔའི་ལེའུ་སྟེ་བདུན་པའོ།། །། དེ་ནས་ཐུབ་པ་ཆེན་པོ་དྲུག་གིས་རྡོ་རྗེ་སེམས་དཔའི་ཞལ་མཐོང་བ་འདི་གསུངས་སོ།། བཅོམ་ལྡན་འདས་མ་བྱོན་པའི་སྔོན་རོལ་ན།
173b6 ཉིད་ཀྱི་རང་བཞིན་ཇི་ལྟ་བུ་ལགས་སྟོན་པ་ཇི་ལྟ་བུ་ལགས། བསྟན་པ་ཇི་ལྟ་བུ་ལགས། ཞིང་ཇི་ལྟ་བུ་ལགས་ཞེས་དྲིས་པ་དང་། ཉིད་ཀྱིས་སྨྲས་པ་ཉོན་ཅིག། ང་ནི་ཅིས་ཀྱང་མི་བསྐྱོད་དེ།། མི་འཁྲུགས་རྡོ་རྗེ་སེམས
iiif viewer powered by OpenSeadragon
