| e-texts navigator |
| Wylie |
173a1 ཏན་གྱི་སྒོ་ནས་རྩལ་བསྟན་པ་ནི། ལོངས་སྤྱོད་རྫོགས་པའི་སྐུ་ལྔ་ལས། རིགས་རེ་རེ་ལ་འདུལ་བའི་འཁོར། ངོ་གང་སོ་སོ་ཐ་དད་པར་འབྱུང་བས་ན། དཔེར་ན་ཉི་མའི་སྙིང་པོ་གཅིག་ལས་ཡུལ་གྱི
173a2 དབང་དུ་ཚིམས་པ་ལྟ་བུ་སྟེ། ཡུལ་རེ་རེ་ན་ཉི་མ་རེ་རེ་སྣང་བ་དང་འདྲ་སྟེ། དེ་བཞིན་དུ་ཆོས་ཀྱི་སྐུ་གཅིག་གིས་ཀུན་ལ་ཁྱབ་པར་བསྟན་པ་ནི། ཡོན་ཏན་གྱི་སྒོ་ནས་རྩལ་བསྟན་པའོ།། རྡོ་རྗེ་སེམས་དཔའ་སྐུ་གསུམ
173a3 བསྲེ་བའི་མན་ངག་གསུངས་སོ།། སརྦ་ཏ་ཐཱ་ག་ཏ་ཀྲ་ཐི། དེ་ནས་སངས་རྒྱས་ཐམས་ཅད་ཀྱི་ཐུགས་ཡེ་ཤེས་རྩེ་གཅིག་པའི་སྙིང་པོ་ནི། སྐུ་གསུམ་ལྷུན་གྲུབ་ཀྱི་མན་ངག་གི་བཅུད་ཕྱུང་བའོ།། ཡེ་ཤེས་ཀྱི་སྤྱན་ཡོངས་སུ
173a4 རྫོགས་པའི་མན་ངག་ཐམས་ཅད་མཁྱེན་པས་གསུངས་པ། གཟུང་འཛིན་དང་བྲལ་བའི་རིག་པའི་ཡེ་ཤེས། མཚན་མ་དང་བྲལ་བའི་ཆོས་ཉིད་ཀྱི་མཁའ་ལ་ཁྱབ་གད་ལ། ཆོས་ཉིད་ཀྱི་སྙིང་པོར་རིག་པའི་ཡེ་ཤེས་ཤར
173a5 བས། ཡེ་ཤེས་ཀྱི་སྙིང་པོ་རིག་པ་ཁྱབ་གད་ལ། རིག་པའི་ཡུལ་དུ་ཡེ་ཤེས་ཤར་བས། ཡེ་ཤེས་ཁྱབ་གད་ལ་འུབ་ཆུབ། ཡེ་ཤེས་ཀྱི་འོད་ཆོས་ཉིད་ལ་སྣང་བས། ཆོས་ཉིད་ཡེ་ཤེས་སུ་འུབ་ཆུབ། རིག་པའི་ཡེ་ཤེས
173a6 སྙིང་པོའི་སྐུ། ལྷུན་གྱིས་གྲུབ་པའི་ཡེ་ཤེས། མི་གཡོ་བའི་ཤེས་རབ་འབྱེད་པ་མེད་པའི་སྐུ། མ་འགགས་པའི་ཡོན་ཏན་དེ་ཉིད་རང་བྱུང་གི་ཡེ་ཤེས་ཐུགས་རྗེའི་རྩལ་སྣང་ངོ་།། ཆོས་ཉིད་མཁའ་ལ་མི་སྣང་བའི་ཡེ་ཤེས
iiif viewer powered by OpenSeadragon
