| e-texts navigator |
| Wylie |
172b1 བཟླ་བ་ནི། རིག་པ་རྩལ་གྱི་སྒོ་ནས་ཡེ་ཤེས་ཡོན་ཏན་དུ་བསྟན་པ་དང་། ཡེ་ཤེས་ཡོན་ཏན་གྱི་སྒོ་ནས་ཐུགས་རྗེའི་རྩལ་སྣང་བ་བསྟན་པའོ།། ཆོས་ཀྱི་སྐུ་རིག་པའི་རྩལ་མ་འགགས་པས་མེ་ལོང་ལྟ་བུའི་ཡེ་ཤེས
172b2 སོ།། དེ་ལ་འཕོ་འགྱུར་མེད་པས་མི་འགྱུར་བའི་ས།། ཆོས་ཀྱི་སྐུ་ཐམས་ཅད་མཁྱེན་པའི་སྤྱན་དང་ལྡན་པས་སངས་རྒྱས་སྤྱན་ཞེས་བྱའོ།། ཆོས་ཀྱི་སྐུ་ཤེས་རབ་མི་གཡོ་བས། མཉམ་པ་ཉིད་ཀྱི་ཡེ་ཤེས་དེ་ཐུགས་རྗེའི
172b3 རླན་དང་མ་བྲལ་བས་ཆུ་ཐམས་ཅད་ལ་ཐུན་མོང་དུ་ཁྱབ་པས་མ་ཞེས་བྱ་སྟེ་མཱ་མ་ཀཱིའོ།། ཆོས་ཀྱི་སྐུས་ཀུན་ལ་ཁྱབ་པས་སོར་སོར་རྟོགས་པའི་ཡེ་ཤེས། ཡེ་ཤེས་དེས་ཐམས་ཅད་ལ་སྐྱོབ་པར་བྱེད་ཅིང་ཐུགས་རྗེས་མ
172b4 སྨིན་པ་སྨིན་པར་བྱེད་པས་མེ། སེམས་ཅན་གྱི་ལུས་ལ་དྲོད་ཁྱད་པར་གནས་པས་གོས་དཀར་མོ་ཞེས་བྱའོ།། ཆོས་ཀྱི་སྐུ་ལ་ཐམས་ཅད་མཁྱེན་པའི་ཡེ་ཤེས་མ་བཙལ་བར་ལྷུན་གྱིས་གྲུབ་པས་བྱ་བ་གྲུབ་པའི་ཡེ་ཤེས།
172b5 ཡེ་ཤེས་དེའི་ཐུགས་རྗེའི་དབང་གིས་ཐམས་ཅད་བསྒྲལ་བས་རླུང་། ཕྱིར་མི་ལྡོག་པས་དམ་ཚིག་སྒྲོལ་མ་ཞེས་བྱའོ།། ཆོས་ཀྱི་སྐུ་ལ་ཡེ་ཤེས་ཡོངས་སུ་རྫོགས་པ་ཆོས་ཀྱི་དབྱིངས་ཀྱི་ཡེ་ཤེས། ཡེ་ཤེས་དེས་ཀུན་ལ་ཁྱབ
172b6 པས་ཐམས་ཅད་ཀྱི་གཞི་མ་ལྟ་བུ་དེ་ནམ་མཁའ། ཆོས་ཉིད་དེ་དུས་གསུམ་མི་འགྱུར་བས་ཀུན་ཏུ་བཟང་མོ་ཞེས་བྱའོ།། དེས་ཆོས་ཀྱི་སྐུ་ཟུང་ལྔ་ཡ་བཅུ་དང་ལྡན་པ་སྟེ། རྩལ་གྱི་སྒོ་ནས་ཡོན་ཏན་དུ་བསྟན་པའོ།། ཡོན
iiif viewer powered by OpenSeadragon
