| e-texts navigator |
| Wylie |
16b1 ལས་འདས།། ཡོད་པ་མ་ཡིན་འཛིན་ཆགས་བྲལ།། མེད་པ་མ་ཡིན་སྙིང་པོ་གསུམ།། གཞི་ནས་རྣམ་དག་འོད་རེ་གསལ།། གསལ་བ་ཟང་ཐལ་ལྷུན་རེ་སྡུག། ལྟ་བ་རྨད་བྱུང་ངོ་མཚར་ཆེ།། འགག་མེད་རང་ཤར་དང་རེ
16b2 སྤྲོ།། རྫོགས་པ་ཀུན་ཁྱབ་གསལ་སྣང་ཆེ།། དམིགས་མེད་བསམ་བྲལ་དཀྱིལ་འཁོར་ཆེ།། རྫོགས་ཆེན་དོན་རྟོགས་བློ་རེ་བདེ།། སངས་རྒྱས་ཉག་གཅིག་ཐིག་ལེ་ཆེ།། མཚན་མ་དངོས་བྲལ་ཡངས་པ་ཆེ།། སྐྱེ་མེད་རང
16b3 བྱུང་སྐུ་ལྔ་དག། ཆོས་ཉིད་ཀློང་ཡངས་ཁོད་རེ་སྙོམས།། ཐིག་ལེ་སྟོང་པ་ཉམས་རེ་དགའ།། རྡོ་རྗེ་རྒྱས་འདེབས་བདེ་བ་ཆེ།། གསང་བའི་ཆོས་ཉིད་ཀློང་རེ་ཡངས།། སྟོང་པའི་སྐུ་ལྔ་འོད་རེ་གསལ།། བྱ་བ་རྫོགས་པའི
16b4 དཀྱིལ་འཁོར་ཆེ།། དམིགས་མེད་བསམ་ཡས་ལྷུན་གྲུབ་པའོ།། ཀྱེ་མ་སྙིང་པོ་རྡོ་རྗེ་བརྗོད་ལས་འདས།། སྟོང་པ་ཀུན་སྣང་ཆོས་སྐུ་ནི།། ཐ་སྙད་དྲི་མ་རབ་ཏུ་སངས།། མཐུན་སྣང་ཆོས་སྐུ་རང་སྣང་ཞིང་།། རིག་པའི་སྐུ
16b5 ལ་འགྱུར་མེད་པས།། བྱ་བ་རྫོགས་པའི་འོད་ལྔ་ཡང་།། ཡེ་ནས་ལྷུན་ཁྱབ་ཆེན་པོར་སྣང་།། འོད་ལྔའི་རང་གདངས་མ་འགགས་པས།། མཚན་མར་འཛིན་པའི་རྣམ་རྟོག་རྒྱུ།། སྤྱོད་ལམ་ཐབས་མཁས་འཛིན་ཆགས
16b6 བྲལ།། རྫོགས་པའི་ཀློང་དུ་ཀུན་འདུས་ཤར།། རྟོག་མེད་གསལ་བའི་ཆོས་སྐུ་རྫོགས།། ཡང་དག་ཆོས་ཉིད་གཅིག་མིན་པས།། སེམས་ཅན་རྡོ་ལ་ཐུག་པ་མེད།། རང་བྱུང་ཡེ་ཤེས་སྟོངས་པ་ཡངས།། ཆོས་སྐུའི་ཡེ་ཤེས
iiif viewer powered by OpenSeadragon
