| e-texts navigator |
| Wylie |
16a1 དངོས་པོའི་དོན་མི་རྟོག། སེམས་ནི་བག་ཆགས་ཀུན་གྱི་རྩ་བ་སྟེ།། སེམས་ཅན་ཀུན་གྱི་དྲི་མ་དང་པོར་བསྟན།། ཡིད་ནི་རླུང་དང་འདྲ་སྟེ་བག་ཆགས་སྡུད།། སེམས་ཅན་ཀུན་གྱི་དྲི་མ་གཉིས་པར
16a2 བཤད།། དབུགས་ནི་ཆུ་དང་འདྲ་སྟེ་བག་ཆགས་ཀུན་གྱི་གནས།། སེམས་ཅན་ཀུན་གྱི་དྲི་མ་གསུམ་པའོ།། དུག་ལྔ་མེ་དང་འདྲ་སྟེ་སྣང་བ་ཡུལ་ལ་མཆེད།། སེམས་ཅན་ཀུན་གྱི་དྲི་མ་བཞི་པའོ།། འགྲོ་བ་ཀུན་ལ་དེ
16a3 བཞིན་རབ་ཏུ་གནས།། ཆོས་ཀྱི་སྐུ་ཉིད་དྲི་མ་ཡེ་དག་པས།། མཚན་མ་བློ་ཡི་དྲི་མ་ག་ལ་ཡོད།། དྲི་མེད་དག་པའི་རིག་པ་ཡེ་ཤེས་སྐུ།། རང་རིག་བྱང་ཆུབ་མཚན་མ་དངོས་བྲལ་བས།། རིག་པའི་ཡེ་ཤེས་ཅིར་ཡང་མ
16a4 ཡིན་ནོ།། སྣང་བ་བློ་ཡི་ཐེ་ཚོམ་རབ་བསལ་ན།། ཆོས་ཉིད་དངོས་བྲལ་ཏིང་འཛིན་ཐོབ་པར་གསུངས།། ཆོས་སྐུ་རིག་པའི་ཡེ་ཤེས་རང་སྣང་འོད་གསལ་བས།། བྱ་བྲལ་སྙིང་པོ་དྲི་མེད་ཆོས་སྐུའི་དོན།། ཉམས་སུ
16a5 བླངས་ན་བདེ་ཆེན་ཡེ་ཤེས་འབྱུང་།། སྐྱེ་མེད་རང་སྣང་ཆོས་ཉིད་རང་རིག་ནི།། ཐ་སྙད་གཅིག་ཏུ་བརྗོད་པ་མ་ཡིན་ཏེ།། རིག་པའི་དཀྱིལ་འཁོར་རྣམ་དག་འོད་གསལ་བའོ།། ཨེ་མ་རང་གསལ་ཆོས་ཉིད་འོད་གསལ
16a6 བས།། མཐའ་ལ་མི་གནས་དབྱིངས་ལ་སྤྱོད།། ཅི་ཡང་མ་ཡིན་སྙིང་པོ་ཆེ།། འགྱུར་བ་མ་ཡིན་དྲང་པོར་གནས།། སྟོང་པ་མ་ཡིན་འོད་གསལ་ཞིང་།། གསལ་བ་མཚན་མ་ཀ་དག་པས།། དངོས་པོར་འཛིན་པའི་ཡུལ
iiif viewer powered by OpenSeadragon
