| e-texts navigator |
| Wylie |
169a1 སྟེ་ཐུགས་རྗེ་འབྱུང་དགོས་སོ།། ཐུགས་རྗེ་འབྱུང་བའི་དུས་ཅི་ལྟར་ལགས། བཀའ་སྩལ་པ། ཐུགས་རྗེ་དེ་ལ་གཉིས་ཏེ། ཐུན་མོང་དང་ཐུན་མོང་མ་ཡིན་པའོ།། ཐུན་མོང་ནི་འདུས་པའི་ངོ་གང་ངོ་།། ཐུན
169a2 མོང་མ་ཡིན་པ་ནི་བྱིན་གྱིས་རླབས་ལས་འབྱུང་བ་སྟེ། དེས་ནི་བདག་དབུགས་ཆད་པ་དང་། ཡེ་ཤེས་ཀྱི་སྣང་བ་དག་པ་དང་། གཟུགས་སྐུ་གཉིས་བྱོན་པ་དང་བཞི་དུས་མཉམ་མོ།། ལོངས་སྐུ་མི་འགྱུར་རོ།། སྦྲུལ་སྐུ
169a3 འགྲོ་དྲུག་ལ་རེ་རེ་འབྱུང་བ་ནི་ཉི་མའི་ཟེར་ལྟ་བུའོ།། དེ་ཡང་དཔེར་ན་ཉི་མ་དང་འོད་བཞིན་ནོ།། རྡོ་རྗེ་སེམས་དཔའི་སྤྱན་གྱི་རྣམ་དག་གསུངས་པའོ།། ཐུགས་རྗེ་ཆེན་པོ་ཡང་དག་པར་རྫོགས་པའི་སངས་རྒྱས་ཐམས
169a4 ཅད་ཀྱི་ལམ་གང་ལགས། མན་ངག་ཐམས་ཅད་ཀྱི་དོན་གྱི་ཕུགས་གར་གཏུགས།། སངས་རྒྱས་ཐམས་ཅད་ཀྱི་དགོངས་པའི་མཐར་ཟུག་པའི་ཚད་ཅིས་བཟུང་། རྩོལ་བ་དང་བྲལ་བའི་སྐབས་ཇི་ཙམ་ན་ལགས། ཞེས
169a5 རྡོ་རྗེ་སེམས་དཔའ་ཉིད་ལ་ཉིད་ཞུས་སོ།། དེ་ནས་ཡང་རྡོ་རྗེ་སེམས་དཔས་ཆོས་ཉིད་ཀུན་ཏུ་བཟང་པོའི་ཀློང་ནས། ཉིད་ལ་ཉིད་ལན་བཏབ་པ། སངས་རྒྱས་ཐམས་ཅད་ཀྱི་ལམ་ནི་གཉིས་དངོས་གཞི་རྣམ་པ
169a6 ལྔའོ།། མན་ངག་ཐམས་ཅད་ཀྱི་དོན་གྱི་ཕུགས་ནི་སངས་རྒྱས་ཉག་གཅིག་ཏུ་འདུག་གོ། སངས་རྒྱས་ཀྱི་དགོངས་པ་མཐར་ཐུག་པའི་ཚད་ནི་སེམས་རིག་པའི་དབང་དུ་འདུས་པའོ།། རྩོལ་བ་དང་བྲལ་བའི་སྐབས་ནི་མི
iiif viewer powered by OpenSeadragon
