| e-texts navigator |
| Wylie |
168b1 རོམ་ཆུ་རུ་ཞུ་བ་འདྲ།། ཐ་མ་རང་སར་སླེབ་པ་ནི།། ལུས་ཉིད་ཡེ་ཤེས་སྤྱན་གྱུར་པས།། ཡེ་ཤེས་མིག་གཅིག་དྲི་མ་མེད།། ཡེ་ཤེས་ལུས་ཅན་སངས་རྒྱས་སྐུ།། ཡུལ་གྲོལ་ཆོས་ཀྱི་དབྱིངས་ན་གནས།། ལུས་གྲོལ་ཡེ་ཤེས
168b2 ཆེན་པོ་ལ།། སེམས་གྲོལ་རིག་པ་ཆོས་ཀྱི་སྐུ།། རྣམ་གྲོལ་གསུམ་ལ་མཁས་པ་ཡིན།། དང་པོ་བར་དང་ཐ་མ་གསུམ།། ཆོས་སྐུ་ཐིག་ལེ་ཉག་གཅིག་གནས།། ཤིན་ཏུ་སད་པ་སད་པའི་བདག། རྡུལ་མེད་རྡུལ་བྲལ་དྲི་མ
168b3 མེད།། པདྨ་འཁྱིལ་པའི་རྒྱུད་ལས། མན་ངག་ཚིག་གསུམ་གྱིས་སྐུ་གསུམ་ཐིག་ལེ་ཉག་གཅིག་ཏུ་བསྟན་པའི་ལེའུ་སྟེ་ལྔ་པའོ།། །། དེ་ནས་དུས་མཉམ་པ་ཆེན་པོ་གསུངས་སོ།། འདས་པའི་དུས་མ་བྱོན་པའི
168b4 སྔོན་རོལ་ན། སངས་རྒྱས་ཉག་གཅིག་ཅེས་བྱ་བ། རྒྱུས་མ་བྱས་རྐྱེན་གྱིས་མི་འཇིག་པ། འོད་དང་འོད་ཀྱི་ཚུལ་དུ་གནས་པས་སོ།། ཁམས་གསུམ་འཁོར་བའི་སེམས་ཅན་རྣམས། དང་པོ་ག་ནས་འོང་། སངས་རྒྱས
168b5 ཉག་གཅིག་ནས་འོང་། ད་ལྟ་ག་ན་གནས། ཉོན་མོངས་པ་ལྔ་ལ་གནས། ཐ་མ་གང་དུ་འགྲོ། སངས་རྒྱས་ཉག་གཅིག་ཏུ་འགྲོ། ཡང་དག་པའི་འཁྲུལ་གཞི་བཅད་པ་ཞེས་བྱའོ།། དུས་མཉམ་བདུན་པའི་མན་ངག་ལས།།
168b6 དང་པོ་འཁྲུལ་གཞི་རྩད་ནས་ཆོད་པ་དང་། བར་དུ་འཁྲུལ་པ་གཞི་ལས་ལོག་པ་དང་། ཐ་མ་སངས་རྒྱས་པ་དང་གསུམ་དུ་མཉམ་མོ།། རྡོ་རྗེ་སེམས་དཔས་ཞུས་པ། བདག་སངས་རྒྱས་པས་ཆོག་གམ་ཞེ་ན། མི་ཆོག
iiif viewer powered by OpenSeadragon
