| e-texts navigator |
| Wylie |
168a1 འབྲས་བུའོ།། རང་རྒྱལ་གྱི་ལྟ་བ་དང་། བསྒོམ་པ་དང་། སྤྱོད་པ་དང་། འབྲས་བུའོ།། སེམས་ཙམ་གྱི་ལྟ་བ་དང་། བསྒོམ་པ་དང་། འབྲས་བུའོ།། དབུ་མ་པའི་ལྟ་བ་དང་། བསྒོམ་པ་དང་། འབྲས
168a2 བུའོ།། ཐབས་སྦྱོར་སྒོར་བྱུང་བ་ནི། ཀྲི་ཡའི་ལྟ་བ་དང་། བསྒོམ་པ་དང་། སྤྱོད་པ་དང་། འབྲས་བུའོ།། ཡོ་གའི་ལྟ་བ་དང་། བསྒོམ་པ་དང་། སྤྱོད་པ་དང་། འབྲས་བུའོ།། ཐབས་ཀྱི་ངེས་པའི་གསང་སྒོ་ནི། མ་ཧཱའི་ལྟ
168a3 བ་དང་། བསྒོམ་པ་དང་། སྤྱོད་པ་དང་། འབྲས་བུའོ།། ཨ་ནུའི་ལྟ་བ་དང་། བསྒོམ་པ་དང་། སྤྱོད་པ་དང་། འབྲས་བུའོ།། རྫོགས་པ་ཆེན་པོའི་ལྟ་བ་གཞིའི་དོན།། ཡེ་ནས་ལྷུན་རྫོགས་བདེ་བ་ཆེན་པོའི་ངང་།། སྤྲོས
168a4 མེད་མཁའ་ལ་ཉི་ཤར་བཞིན་དུ་གནས།། པདྨ་འཁྱིལ་པའི་རྒྱུད་ལས། ཐིག་ལེའི་འཁྲུལ་འཁོར་ཟ་འོག་བེར་ཁྱིམ་གྱི་ལེའུ་སྟེ་བཞི་པའོ།། །། དེ་ནས་མན་ངག་གི་ཚིག་གསུམ་གསུངས་སོ།། དང་པོ་འཁོར
168a5 འདས་ཆོས་རྣམས་ཀུན།། རང་བཞིན་ལྷུན་གྲུབ་བཅིང་གྲོལ་མེད།། ངོ་བོ་ཉིད་ནི་ཆོས་ཀྱི་སྐུ།། ཇི་བཞིན་པ་ཡི་རྡོ་རྗེ་འཆང་།། རང་དུ་རྩལ་ཤར་དེ་ལས་གྱེས།། མ་རྟོགས་ཡུལ་སེམས་ཡུལ་གསུམ་ཡང་།། འགྲོ་བ་དྲུག
168a6 ཏུ་སྣང་བ་ཀུན།། ཆོས་ཀྱི་སྐུ་ལས་གཡོས་པ་མེད།། རྣལ་འབྱོར་དབང་ཕྱུག་ཆེན་པོས་རྟོགས།། རྡོ་རྗེ་སེམས་དཔའ་ཐུགས་རིག་པ།། ཀུན་བཟང་ཡེ་ནས་རྫོགས་སངས་རྒྱས།། མ་བཅོས་ངང་དུ་རང་ས་ཟིན།། འཁྱགས
iiif viewer powered by OpenSeadragon
