| e-texts navigator |
| Wylie |
167a1 ཅེས་བྱ་སྟེ། དེ་ཡང་མིག་ལ་སོགས་པ་སྒོ་ལྔའི་དབང་དུ་བྱ་སྟེ། རྟོགས་རུང་མ་རྟོགས་རུང་། སངས་རྒྱས་རུང་མ་རྒྱས་རུང་སྣང་བའོ།། དེ་ཡང་སེམས་ནི་སྣང་ལ་དངོས་པོར་འཛིན་པའོ།། ཤེས་པ་ནི་ཕྱིན
167a2 ཅི་མ་ལོག་པ་སྟེ། ཐིག་ལེའི་རྩལ་ཐིག་ལེར་གཅིག་པས། ཕྱི་ནང་དུ་བསྡུས་ཏེ་ཐིག་ལེ་ལ་བརྟག་པ་དེ་ལྟར་ཐིག་ལེ་ལ་བརྟགས་པས། དངོས་པོ་ཁ་དོག་ཇི་ལྟ་བུར་ཡང་མ་མཐོང་བའི་ཕྱིར་རོ།། ཆོས་ཐམས་ཅད་ནམ
167a3 མཁའི་དཀྱིལ་ལྟར་རྟོགས་ཏེ། རང་བཞིན་མེད་པ་ཞེས་བྱའོ།། དེ་ལྟར་ཐིག་ལེའི་རྩལ་ཐིག་ལེ་ལས་ཐ་མི་དད་པར་རྟོགས་པ་དེ་ཉིད་ལས། སྣང་བའི་ལས་བསམ་གྱིས་མི་ཁྱབ་པ་ཞེས་བྱ། ཆོས་ཀྱི་དབྱིངས་ཀྱི་ཡེ་ཤེས
167a4 ཞེས་བྱ། དོན་དེས་ཤེས་བྱའི་སྒྲིབ་པ་དག་ནས། མ་སྦྱངས་བཞིན་དུ་སྒྲིབ་གཉིས་བྱང་། མ་བསགས་བཞིན་དུ་ཚོགས་གཉིས་རྫོགས་ཞེས་བྱའོ།། དེ་ལྟར་ཆོས་ཉིད་ཡུལ་དུ་བྱེད་པ་ནི། ལོག་པར་བལྟ་བའི་རྒྱ་མདུད
167a5 བཅད་པ་ཞེས་བྱའོ།། སྙིང་པོ་བྱང་ཆུབ་ཉིད་དུ་སོང་བས་ལྟ་བ་གཟའ་གཏད་དང་བྲལ་བ་ཞེས་བྱ། ཐིག་ལེ་རྟོགས་པའི་ཡེ་ཤེས་ཐིག་ལེ་ཉིད་ཀྱི་ངང་དུ་ཐིམ་སྟེ། ཆོས་སྐུ་ཇི་བཞིན་དུ་གནས་པའི་ངང་ནས། ཡེ་ཤེས
167a6 མཉམ་པར་བཞག་པ་དང་མ་བཞག་པ་ལས་འདས་པའོ།། དེ་ཅིའི་ཕྱིར་ཞེ་ན། འབྲས་བུ་རང་ཡིན་པར་ཐག་ཆོད་པའི་ཡེ་ཤེས། ཐིག་ལེ་རྒྱ་མཚོ་དང་འདྲ་བའི་ནང་དུ་ཡེ་ཆུད་པའི་ཕྱིར་རོ།། ཡེ་ཤེས་ཐམས་ཅད་ཀྱི་སྔོན
iiif viewer powered by OpenSeadragon
