| e-texts navigator |
| Wylie |
166a1 ཡང་ཕྱོགས་གཅིག་ཏུ་རྒྱ་ཆད་པ་མེད་པས། སྣང་བ་བསམ་གྱིས་མི་ཁྱབ་པ་ཁྱབ་གདལ་དུ་གནས་པ་ལས། ཡིད་འགྲོགས་ཏེ་འདི་ལས་ང་བྱུང་ངམ། ང་ལས་འདི་བྱུང་སྙམ་པའི་བསམ་པ་དེ་ཙམ་བྱུང་བ
166a2 ལས། སེམས་ཅན་ཞེས་བྱའོ།། དེ་ཡང་འཁྲུལ་གཞི་ལ་ཡང་གཉིས་ཏེ། ནང་གི་འཁྲུལ་གཞི་ནི་ཆོས་ཀྱི་སྐུའོ།། ཕྱིའི་འཁྲུལ་གཞི་ནི་ཆོས་སྐུ་ལས་ཐ་མི་དད་པའི་ཆོས་ཀྱི་དབྱིངས་སོ།། ནང་དུ་ཆོས་ཀྱི་སྐུ་ངོ་མ་ཤེས་པས
166a3 འཁྲུལ་པ་མ་རིག་པའོ།། ཕྱིའི་འཁྲུལ་གཞི་ནི་ཆོས་ཀྱི་དབྱིངས་ལ། འཁྲུལ་པ་ནི་ཡུལ་ཐ་དད་པར་བལྟ་བའོ།། དེ་ལས་འཁྲུལ་པ་ཐ་དད་པར་བསྟན་ཏེ། ཆོས་སྐུ་ཡེ་ནས་སངས་རྒྱས་ཀྱང་།། མ་རིག་པ་ཡི་རྒྱུ་ཙམ
166a4 ཡིན།། དེ་ལ་ཡིད་དྲན་བྱེད་གཡོས་ནས།། ཀུན་ཏུ་ཚོལ་བའི་ཡིད་ཀྱིས་བཙལ།། གཏན་ལ་འབེབས་པས་ལེགས་པར་ཕབ།། ངེས་པར་འཇོག་པས་བཞག་ནས་བག་ཆགས་སྐྱེ། ལས་སྣ་ཚོགས་ཀྱིས་ཕུང་པོ་ཉིད
166a5 མཚམས་སྦྱར་ཏེ་རིགས་དྲུག་ཏུ་འཁོར་རོ།། དེ་ནི་ཉོན་མོངས་པའི་བདུད་ཡིན་ནོ།། ཉོན་མོངས་པའི་ཡིད་མ་དང་འདྲ། ཡིད་ཀྱི་རྣམ་པར་ཤེས་པ་ཕ་དང་འདྲའོ།། སྒོ་ལྔ་བུ་དང་འདྲ་སྟེ་ཕུང་པོའི་བདུད་ཡིན་ནོ།། དེ་ལས
166a6 འཁྲུལ་པ་ལྡོག་པར་བསྟན་ཏེ། ལྡོག་པའི་རྒྱུ་ནི་ཐིག་ལེ་དང་རྩལ་ཏེ། རྐྱེན་ནི་མེ་ལོང་ལ་བརྟེན་ནས་བཞིན་མཐོང་བ་བཞིན་དུ། རྡོ་རྗེ་སློབ་དཔོན་གྱིས་རྟག་པར་མཐོང་བའི་དོན་སློབ་མ་ལ་བསྟན་པས་དེའི་དོན་རྟོགས
iiif viewer powered by OpenSeadragon
