| e-texts navigator |
| Wylie |
165b1 དང་ཐེག་པའི་འཁྲུལ་འཁོར་གསུངས་པ། ཐོག་མར་མ་རྟོགས་འཁོར་བ་མ་བྱུང་། རྟོགས་པས་སངས་རྒྱས་མ་བྱུང་བའི་སྔོན་རོལ། སྒྲིབ་གཉིས་སྦྱངས་ཤིང་ཚོགས་གཉིས་བསགས་ནས་སངས་རྒྱས་པའི། སངས་རྒྱས་ཁ
165b2 མིག་སྣང་བ་ཅན་དུ་བཏགས་པ་ནི་ཅང་མི་བཞུགས་སོ།། འོ་ན་གང་ཞེ་ན། རིག་པ་ཀུན་ཏུ་བཟང་པོར་སངས་རྒྱས་ཏེ། ངོ་བོ་རང་བཞིན་ཐུགས་རྗེ་རྣམ་པ་གསུམ་དུ་གནས་ཏེ། ཕའི་རྒྱུ་དང་མའི་རྐྱེན་གྱིས་མ་བྱས་ཏེ། རང
165b3 བྱུང་ལྷུན་གྱིས་གྲུབ་པའོ།། སངས་རྒྱས་དང་སེམས་ཅན་དབྱིངས་གཅིག་པ་ཞེས་བྱ་སྟེ། དེ་ནི་འཁྲུལ་གཞིའོ།། འཁྲུལ་གཞི་ལས་འཁྲུལ་པ་དང་། མ་འཁྲུལ་པ་བྱུང་བ་ནི། སེམས་ཅན་འཁྲུལ་ནས་ལུས་ངག་ཡིད་གསུམ་དུ
165b4 གནས་པའི་དུས་ན་ཡང་། ངོ་བོ་རང་བཞིན་ཐུགས་རྗེ་གསུམ་གྱི་ཆོས་ཉིད་ལས་མ་འདས་པའོ།། རྟོགས་ཏེ་སངས་རྒྱས་སྐུ་གསུང་ཐུགས་མཐར་ཕྱིན་ཀྱང་། ངོ་བོ་རང་བཞིན་ཐུགས་རྗེ་གསུམ་གྱི་ཆོས་ཉིད་ལས་མ་འདས
165b5 སོ།། དེ་ལྟར་ཆོས་ཀྱི་སྐུའི་འཁོར་ནི་རང་བྱུང་ཡེ་ཤེས་ཏེ། སྒོ་ལྔ་ཡིད་དང་དྲུག་ནི་རང་བྱུང་ཡེ་ཤེས་ཀྱི་འཁོར་ཞེས་བྱ་སྟེ། ཡིད་ཀྱི་ཐོག་མར་རྟོག་བྱས་སུ་མ་བྱུང་། རྟོག་མེད་དུ་བྱུང་བའི་ཕྱིར། ཡིད་རང་བྱུང་གི་ཡེ་ཤེས་ཞེས
165b6 བྱའོ།། དོན་དེ་ལྟར་སངས་རྒྱས་ཡིན་པ་ལས། འཁོར་བ་ཇི་ལྟར་བྱུང་ཞེ་ན། འཁྲུལ་གཞི་ཡོད་པ་ལས་འཁྲུལ་པ་བྱུང་སྟེ། ཆོས་སྐུ་དངོས་པོ་མེད་པ་ལས། ངོ་བོ་གཟུགས་བརྙན་དུ་སྣང་བ་དང་བཅས་པར་སྣང་སྟེ།། དེ།།
iiif viewer powered by OpenSeadragon
