| e-texts navigator |
| Wylie |
165a1 རྣམ་དག་དང་དུ་བསྟིམ།། དེ་ལ་གཉེན་པོས་བཤིག་ཏུ་མེད།། དེ་ནི་ཡང་དག་རྫོགས་པའོ།། འཆི་ཀ་མ་ལས་ཀྱི་རིན་པོ་ཆེ་རིག་པ་ལུ་གུ་རྒྱུད་དུ་དྲངས་པའོ།། རིགས་ཀྱི་བུ་ནམ་འཆི་ཀ་མའི་དུས་ཀྱི་ཚེ།།
165a2 སངས་རྒྱས་ཉག་གཅིག་རྗེས་སུ་དྲན་པར་གྱིས་ཤིག། སྐྱེ་བའི་སྒོ་ཨས་ཁ་ཁོག་ཅིག། གཟུང་འཛིན་ཞིང་ཁམས་ལ་སྦྱོར་ཅིག། ཡི་གེ་གསུམ་གྱི་དོན་ཁོང་དུ་ཆུཚུད་ཅིག། ལམ་ཆེན་འབྱུང་བའི་ཚེ་རི་དྭགས་ལྟ་བུར་ཤེས
165a3 པར་བྱའོ།། རིགས་ཀྱི་བུ་བར་མ་དོའི་ཤེས་པ་ལ་བདུད་ཀྱི་བསླུ་བ་བཅོ་བརྒྱད་འབྱུང་ངོ་།། སྐུ་ལུས་ཀྱི་ཕུང་པོ་ཨ་ལ་ཟློག་ཅིག། རྣམ་པར་རྟོག་པ་ཧཱུཾ་ལ་ཟློག་ཅིག། སྣང་བའི་སྤྱོད་ཡུལ་ཐམས་ཅད་རང་བྱུང་གི་ཡེ་ཤེས
165a4 ཆེན་པོ་ལ་ཟློག་ཅིག། རིག་པ་ཤེས་རབ་ཆེན་པོ་ལ་ཟློག་ཅིག། ཤེས་རབ་ཀྱི་མདས་བག་ཆགས་ཀྱི་གཉིད་སད་པར་བྱའོ།། འོད་སྣང་བའི་དུས་སུ་ཕྱི་མི་ལྡོག་པའི་གདམས་ངག་སྨྲས་པ། རིགས་ཀྱི་བུ་ཡེ་ཤེས་ཀྱི་བདེན
165a5 པ་མཐོང་བའི་དུས་སུ། ཤེས་རབ་མཁའ་ལས་གསལ་བའི་དུས་ན། འུབ་ཆུབ་ཏིང་ངེ་འཛིན་གྱི་རྒྱས་ཐོབ་ཅིག། ཡེ་ཤེས་ལྔའི་འོད་སྣང་བའི་དུས་སུ། རིན་པོ་ཆེ་ཨའི་རྒྱས་ཐོབ་ཅིག། སངས་རྒྱས་ཀྱི་ཞིང་ཁམས་སྣང
165a6 བའི་དུས་སུ། རྡོ་རྗེ་ལྟ་བུའི་ཏིང་ངེ་འཛིན་གྱི་རྒྱས་ཐོབ་ཅིག། ཅེས་གསུངས་སོ།། པདྨ་འཁྱིལ་པའི་རྒྱུད་ལས་འཁོར་བ་གྲུབ་ཚུལ་དང་། རྒྱ་མདུད་གསུམ་པའི་ལེའུ་སྟེ་གསུམ་པའོ།། །། དེ་ནས་ཟ་འོག་བེར་ཁྱིམ
iiif viewer powered by OpenSeadragon
