| e-texts navigator |
| Wylie |
164a1 དབྱིངས་ནི་འགྱུར་བ་མེད་པར་གནས།། གསུང་རྟོག་གང་གིས་བསྒྱུར་མིན་གནས།། འོད་གསལ་སྒྱུ་ལུས་སྣང་བ་དང་།། དེ་ནི་རང་བཞིན་རང་ཤར་གནས།། རྟོག་བཅས་ཡེ་ཤེས་རང་རིག་ནི།། མི་རྟོག
164a2 ཡེ་ཤེས་བདེ་ཆེན་གནས།། ཡིད་ཀྱི་རྣམ་རྟོག་དུ་མ་ལས། རྟེན་འབྲེལ་བཅུ་གཉིས་སྲིད་རྩ་བཏོན།། གླིང་བཞི་རི་རབ་སྲིད་གསུམ་བཅས།། ཡུལ་དུ་ཤར་བར་ཆགས་ནས་སྲིད།། བག་ཆགས་ལུས་ནི་སྣ་ཚོགས
164a3 པ།། འགྲོ་བ་དྲུག་ཏུ་སྣང་བའོ།། རྡོ་རྗེ་སེམས་དཔས་མཁྱེན་པ་ལྟར།། སེམས་ཀྱི་བཞག་ཐབས་དབུགས་དབྱུང་བ།། བློ་བརྟན་བསྒོམ་པ་བརྟན་མི་བརྟན།། བཅོ་བརྒྱད་བདུད་དང་སྐྱོན་ཤར་ཡང་།། བསྒོམ་པའི་ཕྱོགས
164a4 སྣང་སྐྱོན་ལས་གྲོལ།། འཁྲུལ་པར་ཤེས་ནས་རང་རིག་དང་།། བདེ་བ་མི་རྟོག་ཐམས་ཅད་མཁྱེན།། རྩལ་དུ་ཤེས་ཨོཾ་ཨཱཿཧཱུཾ།། སྐུ་གསུམ་བཅོམ་ལྡན་རྡོ་རྗེ་འཆང་།། འཁོར་བ་གྲུབ་ཚུལ་ཤེས་པ་ནི།། འཁྲུལ་གཞི་དེ་ཉིད
164a5 བཟློག་པའོ།། དེ་ནས་འཆི་ཀ་མ་ལས་ཀྱི་རིན་པོ་ཆེས་འཁོར་བའི་མཐའ་བཅད་པ་སྐྱེ་བའི་སྒོ་དགག་པའི་ཐབས་མཆོག་ཏུ་གསུངས་པ། བདག་ནམ་འཆི་བའི་ཚེ་རླུང་རྣམ་པ་ལྔ་རིམ་གྱིས་ཞི་ནས། ཕྱིའི་འབྱུང་བ་ལྔ་ནང
164a6 གི་འབྱུང་བ་ལྔ་ལ་ཐིམ་ནས། ནང་གི་འབྱུང་བ་ལྔ་ཡུམ་གྱི་མཁའ་ཀློང་རྣམ་པ་ལྔ་ལ་ཐིམ། ཡུམ་ལྔ་རིགས་ཀྱི་ཡབ་རྣམ་པ་ལྔ་ལ་ཐིམ་སྟེ། ཡབ་ལྔ་སོ་སོའི་ཡིག་འབྲུ་ལྔ་ལ་ཐིམ་ནས། ཡིག་འབྲུ་ལྔ་ཡེ་ཤེས་ལྔ་ལ་ཐིམ།
iiif viewer powered by OpenSeadragon
