| e-texts navigator |
| Wylie |
161b1 སི་ན། བྲམ་ཟེའི་རིགས་ཀྱི་བཙུན་མོ་མཛེས་མ་མེ་ལོང་ཅན་ཞེས་པ་གཅིག་ལ། ཡུལ་དེའི་གྱད་པ་སྐྱེས་པ་མི་བརྒྱད་ཀྱི་ཆུང་མར་གཏད་པས་མ་འཚམས་ནས། རྒྱ་གར་གྱི་ཆོས་སྐྱོང་བའི་རྒྱལ་པོ་ལ་ཞུས་པས། རྒྱལ་པོ
161b2 ན་རེ་བཙུན་མོའི་མེ་ལོང་ལ་མདའ་རྒྱོབ་ལ། སུས་ཕོག་ཅིང་ཕིགས་པ་གཅིག་གིས་ཁྱེར་ཅིག་ཟེར་ནས་བརྒྱབ་པས་སུས་ཀྱང་མ་ཕོག་མ་ཕྲེད་དོ།། དེ་ཡ་ཆ། ཡུལ་དུར་ཁྲོད་ཕུག་ལུང་ནག་པོ་ཞེས་བྱ་བ་ན། མུ་སྟེགས་ཁ
161b3 ལ་མེ་འབར་གྱི་སྒོ་དྲུང་ན། འཚུབ་མ་ནག་པོ་གཅིག་གི་ནང་ན། མེ་དམར་བྱ་ཕོ་ཙམ་པ་གཅིག་མ་ཤི་བར་འདུག་ཟེར་ཏེ། དེ་ཡ་ཆ། ཡུལ་དུར་ཁྲོད་བསིལ་བའི་ཚལ་ན། རྒྱལ་པོ་ཁང་བཟང་གི་བུ་མོ་འོད་ལྡན་མ་བྱ་བ
161b4 གཅིག་ལ། སྐྱེས་པ་བརྒྱ་ཡིས་ཆགས་པ་སྤྱད་པས། བུ་མོའི་འདོད་པ་མཚིམས་ཟེར་ཏེ། དེ་ཡ་ཆ། ཡུལ་བྱ་རྒོད་ཕུང་པོའི་རིའི་ནམ་མཁའ་ལ་མེ་ལོང་གཅིག་གི་ནང་ནས་ཉི་མ་གཅིག་ཤར་ཟེར་ཏེ། དེ་ཡ་ཆ། དེ་ནས
161b5 གདོལ་པ་ལག་ན་ཀ་ཏིས་སེ་གོལ་གཏོགས་ཏེ། ནམ་མཁའ་ལ་གཟུགས་ཀྱི་སྐུ་བསྟན་ཏེ། པ་ར་སི་ཏི་ཀཾ་ཞེས་བྱ་བའི་སྒྲ་བྱུང་ནས་མི་སྣང་བའི་ངང་དུ་གཤེགས་སོ།། དེར་བྱང་ཆུབ་སེམས་དཔའ་བརྒྱལ་ཏེ་སྣང་བར
161b6 གྱུར་ནས་གཉིས་སུ་མེད་པར་ཐིམ་པའི་དུས་ན། རྟོག་པ་སྐད་ཅིག་མར་གྲུབ་བོ།། ནམ་གྲོ་གཅིག་ཏུ་བརྒྱལ་ཏེ། སངས་ཙ་ན་དེ་ཉིད་དེ་བཞིན་ནོ།། རྡོ་རྗེ་སེམས་དཔའ་འགྱུར་བ་མེད་པ་མི་འགྱུར་ནམ་མཁའ་སྤུངས
iiif viewer powered by OpenSeadragon
