| e-texts navigator |
| Wylie |
160b1 ནས་མེད་དོ།། འབྱུང་བ་ཆེན་པོ་ལྔ་མེད་པའི་སྔོན་རོལ་ན།། སེམས་ཅན་བྱ་བ་གདོད་མ་ནས་མེད་དོ།། ང་མེད་པ་ཡི་སྔོན་རོལ་ན་སྟོན་པ་པོ་མེད་དོ།། དེ་བཞིན་གཤེགས་པ་རྣམས་ཀྱི་མེས་པོ་ང་ཉིད་ཡིན་གྱི། གཞན་མ
160b2 ཡིན་ནོ།། རྒྱུད་ཐམས་ཅད་ཀྱི་རྩ་བ་ནི་ངའི་རིག་པ་རང་བྱུང་གི་ཡེ་ཤེས་སོ།། ང་མ་གཡོས་པའི་ངང་དུ་ཀུན་ཏུ་བཟང་པོའི་ཀློང་ནས། རང་རིག་པའི་ཡེ་ཤེས་ཤར་བའི་ཕྱིར། ཀུན་ཏུ་བཟང་པོ་དོན་དམ་པའི་རྒྱུད་ཆེན་པོ
160b3 ཡི་གེ་མེད་པའི་རྒྱུད་ཅེས་བསྟན་ཏོ།། དེའི་དོན་མ་ནོར་བར་བསྟན་པ་ནི། ལུང་གི་རྒྱལ་པོ་མི་འགྱུར་སེམས་ཀྱི་ལུང་ཞེས་བྱའོ།། དེའི་ཕྱིར་དུས་གསུམ་གྱི་སངས་རྒྱས་དགོངས་པས་བརྒྱུད་པ་ནི། རྡོ་རྗེ་སེམས་དཔའོ།།
160b4 མ་འཁྲུགས་པའི་སངས་རྒྱས་ལ། མ་བྱས་པའི་ཆོས་བསྟན་པ་ནི། ང་རྡོ་རྗེ་སེམས་དཔས་བསྟན་ཏེ། མི་འགྱུར་བའི་བལྟ་བ་ལ་བཙལ་དུ་མེད་པར་བསྟན་པ་ནི། ཀ་དག་གི་ཡེ་ཤེས་རང་སྣང་བའོ།། དེའི་ཕྱིར་ན
160b5 ཆོས་ཐམས་ཅད་བསྟན་པ་ཞེས་བྱ་སྟེ། དུས་ནི་རྗེས་སུ་འཇུག་པའི་དུས་སུ་བསྟན་ཏོ།། དེ་ནས་འདི་སྐད་ཅེས་སྨྲས་སོ།། བྷ་དྷཱུ་བ་ཏྲི་ས་དྷོ་ནི། བརྡའ་གསུམ་མན་ངག་གིས་བསྟན་པ།། ཀྱེ་མ་ཀྱེ་མ་འཁོར་གྱི་རིག་པ
160b6 འཛིན་པ་རྣམས་ཉོན་ཅིག། ལེགས་པར་ཡིད་ལ་ཟུང་ཞིག། སྟོན་པས་བསྟན་པའི་ལུང་མ་ནོར་བ་རངས་རྣ་བའི་དབང་པོས་ཉན་ཏེ། ཇི་བཞིན་པ་རང་སྣང་བའི་དུས་ན། རིག་འཛིན་བརྡས་བརྒྱུད་པ་གསུམ་ཏེ། སྣང
iiif viewer powered by OpenSeadragon
