| e-texts navigator |
| Wylie |
160a1 རྒྱུད།། འདིར་འདུས་ཚོགས་ལ་བཀའ་སྩལ་པ།། རྒྱུད་ལུང་ཀུན་གྱི་སྙིང་པོའི་དོན།། མི་འགྱུར་དོན་གྱི་དགོངས་པར་ཕྱིན།། བློ་དང་ཚིག་ལས་དེ་ཡིས་འདས།། རྩོལ་སྒྲུབ་མཐའ་ལས་དེ་ཡིས
160a2 གྲོལ།། དགོངས་པའི་དོན་ལ་དེ་ཡིས་གནས། ཁོང་དོན་དགོངས་པས་མུན་པ་བསལ།། རྗེས་འཇུག་རྣམས་ཀྱང་དེ་བཞིན་པས།། རྣམ་མཁྱེན་ཀུན་ལ་ཕྱག་འཚལ་འདུད།། ཐམས་ཅད་མཁྱེན་ལ་རྗེས་ཡི་རང་།། ཞེས
160a3 བསྟོད་དོ།། ཐིག་ལེ་ཀུན་འདུས་ཆེན་པོ་ལས། རྒྱུད་ཡོངས་སུ་གཏད་པ་དང་རྗེས་སུ་ཡི་རང་བ་སྟེ་ལེའུ་བཅུ་གཉིས་པའོ།། །། ཐིག་ལེ་ཀུན་འདུས་ཆེན་པོ་ཞེས་བྱ་བ་ལེའུ་ཆེན་པོ་བཅུ་གཉིས་པའོ།། ལེ་ཕྲན་ཞེ
160a4 བདུན་པའོ།། རྫོགས་སོ།། @#།། རྒྱ་གར་སྐད་དུ། ཀཱ་ཡ་ཏནྟ་པདྨ་ཀུཎྜ་ལ་ནཱ་མ། བོད་སྐད་དུ། སྐུའི་རྒྱུད་པདྨ་འཁྱིལ་པ་ཞེས་བྱ་བ། ཨ་པྲ་བྷན་མཉྫུ་ཤྲཱི་པྲ་ས་ར་དུ་ས་ནཱ་མ་མ་ཧཱ་ཏྲི། བརྒྱུད་པ
160a5 གསུམ་པའོ།། བཅོམ་ལྡན་འདས་གཉིས་མེད་ཀྱི་རྒྱལ་པོ་ལ་ཕྱག་འཚལ་ལོ།། འདི་སྐད་བསྟན་པའི་སྔོན་རོལ་ན། འདི་སྐད་བདག་གིས་བསྟན་པའི་དུས་གཅིག་ན། འཁོར་གྱི་ལྷ་དང་མི་དང་ལྷ་མ་ཡིན་ལ་སོགས་ཏེ།
160a6 བྱང་ཆུབ་སེམས་དཔའ་རྣམས་ཕལ་ཆེར་རབ་ཏུ་ཉོན་ཅིག། ཅེས་བཀའ་སྩལ་ཏོ།། ང་མེད་པ་ཡི་སྔོན་རོལ་ན། དེ་བཞིན་གཤེགས་པ་རྣམས་ནི་མི་བཞུགས་སོ།། ང་མེད་པ་ཡི་སྔོན་རོལ་ན།། འབྱུང་བ་ཆེན་པོ་ལྔ་ནི་ཡེ
iiif viewer powered by OpenSeadragon
