| e-texts navigator |
| Wylie |
15b1 མི་གནས་པས།། སྤྱོད་པའི་དུས་ན་རང་སྣང་ཞིང་།། ས་དང་ལམ་ལ་མི་གནས་ཏེ།། དོན་གཅིག་ལ་ཡང་གནས་པ་མིན།། རྫོགས་ལམ་བྱང་ཆུབ་ཡེ་གནས་པས།། ཐམས་ཅད་གཅིག་ཏུ་རབ་འདུས་ཏེ།། ཀུན་གྱིས་གོ་བ
15b2 ཡོད་པ་མིན།། གལ་ཏེ་གོ་བ་རྫོགས་སྲིད་ན།། མཐའ་ཡས་མེད་དེ་དོན་གཅིག་གནས།། གསང་བའི་གསང་སྔགས་གབ་པའི་གནས།། རིགས་སྔགས་གཟུངས་སྔགས་གཏན་ཚིགས་རྣམས།། རྫོགས་པའི་གསང་དོན
15b3 འདི་ལ་འདུས།། དེ་ཡང་ངོ་བོ་རང་གནས་པས།། བྱ་བྱེད་མེད་པས་རང་སར་དག། འཛིན་ཆགས་མེད་པས་ཅིག་ཆར་རྫོགས།། གསལ་བ་མ་ཡིན་མངོན་གནས་པས།། རང་རྫོགས་ཉིད་དུ་རྣམ་པར་དག་པའོ།། ཞེས
15b4 ནོར་བུ་ཕྲ་བཀོད་ཆེན་པོའི་རྒྱུད་ལས།། མཚོན་དཔེའི་དཀྱིལ་འཁོར་གྱི་ལེའུ་སྟེ་གསུམ་པའོ།། །། དེ་ནས་ཡང་ལྷ་མོ་མཉམ་པའི་བློ་གྲོས་ཞེས་བྱ་བ་དེས། འདི་སྐད་ཅེས་གསོལ་ཏོ།། ཀྱེ་ཀྱེ་བཅོམ་ལྡན་རྡོ་རྗེ
15b5 སེམས།། ཡང་དག་གསང་བའི་ལུང་སྟོན་ཅིག། དེ་སྐད་རབ་ཏུ་ཞུས་པ་དང་།། བཅོམ་ལྡན་རྡོ་རྗེ་སེམས་དཔའ་ཡིས།། ཉེ་བའི་འཁོར་ལ་བཀའ་སྩལ་པ།། ཀྱེ་མ་ཉེ་བའི་འཁོར་རྣམས་ཉོན།། གསང་སྔགས་གཏན
15b6 ཚིགས་གྲངས་མང་ཡང་།། ལེགས་པའི་དོན་ནི་གཅིག་ལས་མེད།། རང་གི་རིག་པའི་གནས་ལུགས་ནི།། མདོ་ཉིད་འགག་པ་མ་ཡིན་པས།། ཡེ་གཞི་ལམ་གྱི། ཤེས་མ་བུའི་ཚུལ་དུ་རབ་ཏུ་གནས།། སེམས་དང་ཡེ་ཤེས
iiif viewer powered by OpenSeadragon
