| e-texts navigator |
| Wylie |
15a1 སེམས་དཔའི་མཚོན་དཔེ་ནི།། དྲི་མེད་དཀར་པོ་ཟླ་བའི་མདོག། མུན་དང་སྣང་བའི་མཚམས་ནས་བརྟག། ནོར་བུ་འོད་གསལ་དྲི་མེད་པས།། སྣང་བ་ཁ་དོག་ལྔ་དང་ལྡན།། སྐུ་ལྔ་སོ་སོར་མ་རྩེ
15a2 བས།། མདུན་དང་རྒྱབ་ཏུ་དབྱེར་མི་འབྱེད།། སྣང་གསལ་ཆོས་ཉིད་འོད་པོ་ཆེ།། གསལ་བའི་ཆོས་ཉིད་ཀུན་ཏུ་འབར།། སྣང་བྱེད་སྒྲོན་མ་ཀུན་གྱི་མཆོག། སྟོང་པ་ཆེན་པོའི་མཁའ་ཀློང་དུ།། སྣང་བ་ཐམས་ཅད་འོད་དུ
15a3 ཤར།། ཤར་བ་དེ་ཉིད་དཔོག་པ་མེད།། སུས་ཀྱང་བཟུང་བར་ནུས་མ་ཡིན།། གལ་ཏེ་ཤེས་རབ་མི་ལྡན་པས།། རང་སྣང་དྲི་མེད་ཟླ་རྒྱས་བཞིན།། བཞིན་བཟང་དཀྱིལ་འཁོར་མཐོང་འགྱུར་ཏེ།། ཡེངས་མེད་རྫོགས
15a4 ཆེན་བསྒོམ་པའོ།། བརྗོད་མེད་ཆོས་སྐུ་བསམ་འདས་ཉིད།། རིག་པའི་དོན་ལ་སྐྱེལ་མི་ནུས།། ཐབས་མཁས་ཆོས་སྐུ་རྟོག་མེད་པས།། མཁའ་ལ་འཇའ་ཚོན་མཛེས་ཤར་བ།། རྒྱ་མཚོའི་གཏིང་དཀྱིལ་རབ་འབྱམས
15a5 ཞིང་།། རང་སྣང་ཞིང་དུ་འོད་གསལ་མཉམ།། རྫོགས་ཆེན་རྩེ་ལ་རབ་སང་བས།། དམའ་བའི་རིགས་ལ་གྲང་མེད་ཅིང་།། རྫོགས་ཆེན་ཕྱོགས་སུ་རྣམ་པར་དག། གསང་སྔགས་ཐབས་མཁས་ངེས་རྫོགས
15a6 འདི།། རྫོགས་དང་མ་རྫོགས་གཉིས་ལས་འདས།། གཅིག་དང་གཉིས་སུ་བགྲང་དུ་མེད།། དུ་མ་རྟེན་དང་དངོས་པོ་བྲལ།། དྲི་མ་བཞི་དང་ཕྲ་རགས་སངས།། སྟོང་ཞིང་བདག་མེད་མཚན་མ་མེད།། སྟོང་པའི་ཡུལ་ལ
iiif viewer powered by OpenSeadragon
