| e-texts navigator |
| Wylie |
159b1 པའི་སྐུ།། རང་རིག་ཡེ་ཤེས་འཁོར་ལོ་ལྔ་ཡི་བདག། དེ་ཉིད་སངས་རྒྱས་བྱ་བཙལ་འདས་པའི་སྐུ།། རང་སྣང་ཡེ་ཤེས་གཞན་སྣང་རྟོག་དང་བྲལ།། གདོད་ནས་རྣམ་དག་ཆོས་སྐུ་ཟང་ཐལ་ལ།། བར་དོ་སྐད་ཅིག་སྐྱེ
159b2 འགག་ལས་འདས་པས།། རིམ་རྩོལ་མི་མངའ་ཡེ་ཤེས་ཟང་ཐལ་དང་།། སྦུབས་དང་བྲལ་བས་དེ་ཉིད་མཐར་ཕྱིན་པའོ།། གདམས་ངག་དོན་གྱི་ངེས་དོན་བསྡུས་པ་ཡིན།། ཞེས་གསུངས་སོ།། ཐིག་ལེ་ཀུན་འདུས་ཆེན
159b3 པོ་ལས། གསང་བ་དོན་གྱི་སྙིང་པོ་བསྟན་པ་སྟེ་ལེའུ་བཅུ་གཅིག་པའོ།། །། དེ་ནས་ཡང་སྟོན་པས་རྒྱུད་ཀྱི་གདམས་པ་འདི་གསུངས་སོ།། ཀྱེ་མ་ཀྱེ་མ་འདུས་པའི་ཚོགས།། རྒྱུད་ལུང་མན་ངག་ཁོག་གི
159b4 སྙིང་།། ཀུན་ཏུ་དོན་གྱི་དགོངས་པ་ཡིན།། རྡོ་རྗེ་འཛིན་པ་ཁྱོད་ལ་གཏད།། དགའ་རབ་རྡོ་རྗེ་ཁྱེད་ཀྱིས་ཟུང་།། གཞན་ལ་དེ་བཞིན་དགོངས་པས་ཆོངས།། མང་དུ་གསུམ་ལས་མ་སྤེལ་ཅིག། ཉུང་ངུ་གཅིག་ལ་མ
159b5 བསྒྲུབས་ཤིག། གལ་ཏེ་དེ་ལས་མངས་སམ་ཉུང་།། མི་འགྱུར་རཀྵ་ཀརྟི་ཀས།། འདི་རུ་ཚེ་ཡི་འདུ་བྱེད་བྱེད།། བྱང་ཆུབ་མྱུ་གུ་གཏན་དུ་བརླག། དེ་བས་དེ་བཞིན་དགོངས་པས་ཆོངས།། ཞེས་གསུངས་སོ།། དེ་ནས
159b6 ལག་ན་རྡོ་རྗེས་སྣ་དྲངས་ནས།། ཕྱག་བྱས་བསྐོར་བ་ལན་བདུན་དུ་མཛད་དེ། ཨེ་མ་ཧོ་ལེགས་སོ་ལེགས་སོ།། དཔལ་ལྡན་རྡོ་རྗེ་འཆང་མགོན་པོ།། མ་བྱུང་འབྱུང་བར་མི་འགྱུར་བའི།། ཐིག་ལེ་ཀུན་འདུས་ཆེན་པོའི
iiif viewer powered by OpenSeadragon
