| e-texts navigator |
| Wylie |
159a1 ངེས་པར་གཏན་ལ་དབབ།། ཆོས་རྣམས་ཐམས་ཅད་དབྱེར་མེད་མཉམ་ཉིད་དང་།། དངོས་པོ་མེད་པར་རང་རྫོགས་དེ་བཞིན་ཉིད།། རང་རིག་ཆོས་སྐུ་ཡེ་ཤེས་རང་སྣང་ལ།། འབྱུང་བ་ནམ་མཁའ་དང
159a2 པོ་ཉིད་ནས་མེད།། རང་བྱུང་ཡེ་ཤེས་དོན་གྱི་འབྱུང་བ་ལ།། མཚན་མའི་འབྱུང་བ་དངོས་པོ་གདོད་ནས་དག། གཉིས་མེད་ཆོས་སྐུ་ཡེ་ཤེས་ཟང་ཐལ་ལ།། གཟུང་འཛིན་གནས་སུ་རང་གསལ་འཛིན་པ་མེད།། དང་པོ་རྒྱུ
159a3 མེད་རྡོ་རྗེའི་ངང་།། བར་དུ་རྐྱེན་མེད་རང་བྱུང་ཉིད།། ཐ་མ་མི་འགྱུར་ཡེ་ཤེས་ནི།། འཆར་ནུབ་མེད་པའི་ཟང་ཐལ་དེ།། ནམ་མཁའི་མཐའ་བཞིན་ཟུག་པ་མེད།། བློ་ཡི་ཡུལ་ལས་རབ་འདས་ཤིང་།། མི་འགྱུར་རྡོ་རྗེ་ལྟ
159a4 བུའི་སྐུ།། ཕྱི་ནང་མདུན་རྒྱབ་སྟེང་འོག་མེད།། དག་པ་ཟང་ཐལ་སྤྲོས་དང་བྲལ།། ཆ་ཤས་བྲལ་བའི་ངང་ཉིད་དེ།། སྐུ་གཉིས་མི་འགག་འོད་དུ་གསལ།། རང་ལ་རང་སྣང་སྐུ་མི་འཇིག། མི་གནས་འདུ་འབྲལ་ཡོངས
159a5 ཀྱིས་མེད།། རྡོ་རྗེ་མཁའ་འགྲོའི་དགོངས་པ་ཡིན།། སྤྲོས་བྲལ་དབྱིངས་ལ་འགྱུར་མེད་ཀློང་།། མི་འགྱུར་ཁོད་སྙོམས་གཡུ་ཡི་མཎྜལ་ནས།། ཡོན་ཏན་མི་འགག་རང་རིག་ཡེ་ཤེས་ལས།། རྩལ་དང་རོལ་པས་འཁོར
159a6 འདས་རྣམ་གཉིས་ཤར།། འཁོར་འདས་ཀུན་ལ་ཁྱབ་འབྲེལ་གཉིས་སུ་མེད།། ཐམས་ཅད་དེ་ལས་ཤར་ཅིང་དེ་ཡི་ངང་དུ་འདུས།། བསྒོམ་མེད་སངས་རྒྱས་བསྒོམ་པ་ཡེ་སངས་རྒྱས།། དེ་ཉིད་མི་འགྱུར་ཡེ་སངས་རྒྱས
iiif viewer powered by OpenSeadragon
