| e-texts navigator |
| Wylie |
158b1 གསུངས་སོ།། ཐིག་ལེ་ཀུན་འདུས་ཆེན་པོ་ལས། ཕྱོགས་འཛིན་གྱི་དགོངས་པ་བསྟན་པ་སྟེ་ལེའུ་བཅུ་པའོ།། ། ཀོ་ཤ་དྷ་ཏཱ་མ་ཧཱ་བཛྲ་དྷ་ཏི་ཏནྟ་ཙཀྲ་པ་ཙ་ཨུ་པ་དེ་ཤ་ཨུ་ཏ་ཀ་ལ་པ་རུ་ཨ། དེའི་ཚེ་ཡང་སྟོན་པ
158b2 རྡོ་རྗེ་འཆང་ཆེན་པོ་དེས། གསང་བའི་སྙིང་པོ་བླ་ན་མེད་པའི་དགོངས་པ་ལ་སྙོམས་པར་ཞུགས་སོ།། དེའི་ཚེ་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། གསང་བ་དོན་གྱི་སྙིང་པོའི་དགོངས་པ
158b3 གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། ལག་ན་རྡོ་རྗེ་ལེགས་ཟུང་ཞིག། ཆོས་སྐུ་ཡུལ་མེད་ཡེ་ཤེས་རང་གདངས་བཅས།། དོན་ལ་འགྱུར་མེད་འབྱེད་མེད་ཤེས་རབ་བཅས།། སྟོང་ཉིད་སྤྲོས་བྲལ
158b4 ཡོངས་ལ་ཁྱབ་པའི་སྐུ།། ཐུགས་རྗེ་མི་འགག་སྦྲུལ་སྐུ་རྒྱུན་མི་འཆད།། མི་འགྱུར་ཀློང་ནས་ཡེ་ཤེས་སྤྱན་མ་འགགས།། རང་སྣང་ཡེ་ཤེས་གཞན་སྣང་རྟོག་པ་མེད།། ཐམས་ཅད་ཡོངས་རྫོགས་སྐྱེ་འགག་འཆར་ནུབ
158b5 མེད།། དོན་གྱི་དབང་བཞི་མ་བསྐུར་ལྷུན་རྫོགས་པས།། མ་བསྒོམས་མ་བསྒྲུབས་ཡེ་ཉིད་རྫོགས་སངས་རྒྱས།། དོན་གྱི་རྫས་བཞི་མ་བསགས་ལྷུན་གྲུབ་པས།། རྟོགས་པའི་ཤེས་རབ་རང་རིག་ཁོང་ནས
158b6 འཆར།། བཀོད་པ་བཞི་ལྡན་དོན་གྱི་དབང་ཆེན་རྫོགས།། རང་བྱུང་ཡེ་ཤེས་རྒྱུ་རྐྱེན་རྣམ་པར་དག། གཉེན་པོས་མི་ཤིགས་གཞན་གྱི་དབང་གྱུར་མེད།། གཉིས་མེད་བདེ་ཆེན་ཆོས་སྐུ་རྣམ་དག་དེ།། ལུང་དང་སྒྲ་ཡིས
iiif viewer powered by OpenSeadragon
