| e-texts navigator |
| Wylie |
158a1 བ་འཆར་བ་ནི།། སྤྲིན་མེད་ནམ་མཁར་ཉི་མ་སྣང་བ་བཞིན།། རིགས་ལྔའི་སངས་རྒྱས་མ་འདྲེས་རྫོགས་པ་ནི།། ནམ་མཁའི་ངང་ན་འཇའ་ཚོན་གསལ་བ་བཞིན།། ཐིག་ལེ་ཆེན་པོ་དོན་གྱི་དགོངས་པ
158a2 ཡིན།། མི་གཡོ་འདུ་འབྲལ་མེད་པའི་ཡེ་ཤེས་གསལ།། མཚོན་པའི་ཐབས་ཀྱི་རིམ་པས་བློ་ལ་སྦྱར།། མི་འགྱུར་བ་གཅིག་རྟོགས་ཚུལ་རྒྱུད་ལས་སྐྱེས།། སྦུབས་དང་བྲལ་བས་བདག་ཉིད་མངོན་སངས་རྒྱས།། འགག
158a3 མེད་ཐུགས་རྗེས་འགྲོ་དྲུག་གནས་སུ་འདྲེན།། མི་གནས་བདག་མེད་ཆོས་སྐུའི་ཀློང་ན་གསལ།། རིན་ཆེན་སྒྲོན་མ་དོན་གྱི་དགོངས་པ་ཡིན།། མ་འགགས་མི་གཡོ་དང་དངས་རང་བཞིན་ནོ།། ཡེ་ཤེས་ཟང་ཐལ་སྒྲིབ
158a4 མེད་ཀུན་ཏུ་གསལ།། ཆོས་སྐུའི་ངང་ལ་གཟུགས་སྐུའི་རང་བཞིན་ཏེ།། ཡོད་པ་མེད་དང་མེད་པ་ཡོད་པའི་ས།། སྐུ་གསུམ་དབྱེར་མེད་རང་རིག་ཡེ་ཤེས་བདག། མིག་གི་སྒྲོན་མ་དོན་གྱི་དགོངས་པ་ཡིན།། ཡོན་ཏན་མི
158a5 འགྱུར་རང་རིག་ཡེ་ཤེས་ཏེ།། སྐུ་གསུམ་སྦུབས་སུ་དེ་ཡི་གནས་སྐབས་བསྟན།། དེ་མཚོན་ཕྱི་ནང་གསང་བ་འདུས་པར་བསྟན།། ངོ་མཚར་ཐབས་ཀྱི་སྙིང་པོ་དོན་དང་མཇལ།། འཕྲུལ་གྱི་ཡི་གེ་དོན་གྱི་དགོངས་པ
158a6 ཡིན།། མ་རིག་ཡེ་ཤེས་མཐར་ཐུག་ཡོངས་ལ་ཁྱབ།། གསང་བའི་ཤེས་རབ་སྒྲིབ་པ་ཀུན་ལས་འདས།། ཀུན་ལས་མཆོག་གྱུར་ཁྱད་པར་ཆེ་བས་འཕགས།། ནམ་མཁའ་ཁྱབ་པ་དོན་གྱི་དགོངས་པ་ཡིན།། ཞེས
iiif viewer powered by OpenSeadragon
