| e-texts navigator |
| Wylie |
157b1 པར་བསྟན་པའོ།། ཐུན་མེད་ཐུན་ཆེན་དགོངས་པ་གཅིག་ཏུ་དྲིལ།། ཆོས་ཉིད་ཆོས་སྐུ་འབྱེད་མེད་སྟོང་པ་དང་།། སྙིང་པོ་སྐུ་ལྔ་བར་ན་ཡེ་ཤེས་གསལ།། ཆོས་ཉིད་ཆོས་སྐུའི་བར་ན་འོད་ལྔ་གསལ་བ་ལོངས་སྐུའི
157b2 དོན།། སྣང་བ་ཆོས་སྐུའི་བར་ན་ཡེ་ཤེས་གསལ་བ་སྦྲུལ་སྐུའི་དོན།། དངོས་ཉིད་གཞི་དང་སྦྱར་བའི་དགོངས་པ་ཡིན།། རྒྱུ་རྐྱེན་མེད་པར་འཁོར་འདས་རང་ལས་བྱུང་།། ཡོན་ཏན་མ་འགགས་སྟོབས་ཀྱིས་ཤར་བ
157b3 ཡིན།། ཐུགས་རྗེ་མ་འགགས་སྐུ་ཉིད་སྣང་བར་ཤར།། སྣ་ཚོགས་ཤར་ཀྱང་གཉིས་མེད་ཆོས་སྐུའི་ངང་།། དེ་ནས་བྱུང་དང་དེ་ནས་འཇུག་ཅིང་ཐིམ།། ཐམས་ཅད་མ་འགགས་པ་ཡི་ཡེ་ཤེས་རྨད་བྱུང་ཆོས།། རང་གི་རྒྱུད
157b4 ལ་ངེས་པའི་ཤེས་པ་སྐྱེས།། དོན་གྱི་སྒོ་རྣམས་འབྱེད་ཅིང་གསལ་བར་བྱེད།། སྒོ་དང་ལྡེ་མིག་དོན་གྱི་དགོངས་པ་ཡིན།། ཆོས་སྐུ་ནམ་མཁའ་ལྟ་བུ་ཡེ་ནས་ཚད་མེད་སྟོང་།། དེ་ཡི་སྟོབས་ལས་ཡེ་ཤེས་སྐུ་རུ་སྣང་།། སྐུ
157b5 དང་ཡེ་ཤེས་དངོས་པོ་མཚན་མའི་ཆོས།། དང་པོ་ཤར་ཀྱང་རང་གི་སྟོབས་ལས་ཤར།། ཐ་མ་ཐིམ་ཡང་རང་གི་ངང་ལ་ཐིམ།། དབྱིངས་དང་ཡེ་ཤེས་གཉིས་མེད་བདེ་བའི་ངང་།། སྐུ་གསུམ་དབྱེར་མེད་དོན་གྱི་དགོངས
157b6 པར་བཞུགས།། ནམ་མཁའ་ལྟོ་སྦྱོར་དོན་གྱི་དགོངས་པ་བསྟན།། ཆོས་ཉིད་ཀློང་ན་ཆོས་སྐུ་གསལ་བ་ནི།། ནམ་མཁའི་ངང་ན་ཉི་མའི་སྙིང་པོ་གནས་པ་བཞིན།། མི་འགྱུར་ཡོངས་ལ་ཁྱབ་པའི་སྐུ།། དེ་ལ་ཡེ་ཤེས་སྣང
iiif viewer powered by OpenSeadragon
