| e-texts navigator |
| Wylie |
156b1 ཀ་མ་སྭ་ཧཱུཾ་ཨཱ།། བོ་དྷི་ཙིཏྟ་ཀོ་ཤ་ཙ་མུ་ཏི་ཨ་ཏི་ཀ་ལ། དེའི་ཚེ་སྟོན་པ་རྡོ་རྗེ་འཆང་ཆེན་པོ་དེས་གསང་བ་དོན་གྱི་དགོངས་པ་ཞུགས་སོ།། དེའི་ཚེ་གསང་བའི་བདག་པོས་གསོལ་པ།། ཀྱེ་ཀྱེ་བཅོམ་ལྡན་རྡོ་རྗེ
156b2 འཆང་།། གསང་བའི་དོན་གྱི་དགོངས་པ་ཇི་ལྟར་ལགས།། ཞེས་ཞུས་པས།། སྟོན་པས་བཀའ་སྩལ་པ། ཀྱེ་རྡོ་རྗེ་འཛིན་པ་ངེས་ཟུང་ཞིག། ཨེ་མ་ངོ་མཚར་རྨད་ཀྱི་ཆོས།། དེ་ནི་ཚིག་ལ་མི་གནས་པས།། དོན་གྱི
156b3 དགོངས་པ་མ་ནོར་བཤད།། རང་རིག་ཡེ་ཤེས་མ་འགགས་པ།། འཁོར་དང་མྱ་ངན་འདས་པར་གནས།། དེ་ལ་རྒྱུ་རྐྱེན་བྱེད་པ་མེད།། འཁོར་འདས་ཀུན་ལས་ང་སྔར་བྱུང་།། ང་ཡི་གོང་ན་གཞན་མ་མེད།། ཐམས་ཅད
156b4 རང་རིག་ཀློང་ན་བཞུགས།། ཐམས་ཅད་རང་རིག་ཀློང་ནས་འཆར།། དེ་ཡི་ངོ་བོ་མི་འགྱུར་བར།། ཡེ་ཤེས་ཡོན་ཏན་ཀུན་ཏུ་གསལ།། དེ་ལ་རྒྱུ་མེད་གཉེན་པོ་མེད།། དངོས་མེད་སྣོད་བཅུད་རྩལ་དུ་སྣང་།། འབྱུང
156b5 གནས་མ་འགགས་ཀུན་ཏུ་ཁྱབ།། ཀུན་འབྱུང་སྙིང་པོ་འགྱུར་བ་མེད།། དཔེར་ན་ཡིད་བཞིན་ནོར་བུ་རིན་ཆེན་བཞིན།། འཁོར་དང་མྱང་ངན་འདས་པའི་ཆོས།། དངོས་མེད་བྱིན་གྱིས་བརླབས་ལས་བྱུང་།། མཚན་ཉིད
156b6 དོན་གྱི་དགོངས་པ་ཡིན།། ང་ཉིད་མ་འོངས་སྔོན་རོལ་ན།། སྟོན་པ་ཀུན་རིག་ཆོས་ཀྱི་རྗེ།། པདྨ་བདེ་གསལ་གྲོང་ཁྱེར་དུ།། བསྟན་པའི་སྙིང་པོ་ཡེ་ཤེས་ལྔ།། རང་སྣང་རྟོག་པའི་འཁོར་རྣམས་ལ།། རྟོག་མེད་བྱིན་གྱིས
iiif viewer powered by OpenSeadragon
