| e-texts navigator |
| Wylie |
156a1 བ་ཡེ་ཤེས་གདངས་སུ་གསལ།། གཟུང་བ་མི་གནས་རང་བཞིན་རྣམ་པར་དག། ནང་དུ་སྣང་བ་བདེ་གཤེགས་སྐུ་ལྔར་གྲོལ།། ལུས་སེམས་མི་གནས་འཛིན་པའི་མཐའ་དང་བྲལ།། གཟུང་འཛིན་གཉིས
156a2 མེད་རང་རིག་ཆོས་ཀྱི་སྐུ།། གསལ་ལ་མི་རྟོག་བུམ་པའི་མར་མེ་བཞིན།། མཚོན་བྱའི་ཚིག་གི་སྒྲོན་མེས་ངེས་མཚོན་ནས།། དེ་ནི་ཉམས་སུ་ཕྱི་ནང་གསུམ་གྱིས་བླངས།། ཇི་བཞིན་ཉམས་མྱོང་མི་འགྱུར་ངེས་པ
156a3 རྙེད།། སྙིང་པོའི་དོན་ལ་འགྱུར་བ་མེད་པར་གནས།། འགྱུར་མེད་དོན་གྱིས་སྐད་ཅིག་གསུམ་ལ་གྲོལ།། རྟོགས་པའི་ཡེ་ཤེས་གསལ་ལ་འཛིན་པ་མེད།། མི་ལྡོག་དངས་པའི་རང་ས་ཟིན་པར་འགྱུར།། དེ་ཡི་ཚེ་ན
156a4 གསལ་བ་རྣམ་གསུམ་སྟེ།། ཆོས་སྐུ་ཕྱི་ནང་མེད་པ་མ་བསྒྲིབས་གསལ།། ཡེ་ཤེས་འོད་ལྔ་སྦྲུལ་སྐུ་ལོངས་སྐུ་གསལ།། རིགས་ལྔ་ལོངས་སྐུ་ནང་ན་གསལ།། སྐུ་གསུམ་ཛ་ལོག་དོན་གྱི་དགོངས་པ་ཡིན།། དེ་ཡི་དོན་དུ
156a5 མྱང་ངན་འདས་ཞེས་བྱ།། དེ་ལྟར་མི་ལྡོག་གསལ་བར་གནས་པ་ཡང་།། ས་ལམ་རིམ་པས་བགྲོད་པ་མ་ཡིན་ཏེ།། སྐད་ཅིག་གསུམ་གྱིས་རང་ས་ཟིན་པར་འགྱུར།། རྡོ་རྗེ་རྣལ་འབྱོར་ལྔ་ཡི་དགོངས་པ་ཡིན།། ཞེས
156a6 གསུངས་སོ།། ཐིག་ལེ་ཀུན་འདུས་ཆེན་པོ་ལས། རྟོགས་པ་ཡེ་ཤེས་འཁོར་ལོ་བསྟན་པའི་ལེའུ་སྟེ་དགུ་པའོ།། ། ཡེ་ཤེས་རང་བྱུང་བའི་སྐབས་ཡེ་ཤེས་ཆེན་པོའི་ཐིག་ལེའོ།། མ་ཧཱ་གུ་ཡ་ཏནྟྲ་ཨུ་པ་དེ་ཤ
iiif viewer powered by OpenSeadragon
