| e-texts navigator |
| Wylie |
155a1 ཅན་ཐུགས་རྗེའི་ལྕགས་ཀྱུས་འཛིན།། རང་རིག་མེ་ཏོག་ཆོས་ལས་འདས།། དེ་ལྟར་རྟོག་པས་ཐམས་ཅད་བཅིངས།། རང་རིག་ཡེ་ཤེས་གཉིས་ཀྱི་མཐའ་ལས་འདས།། རྟོགས་པའི་སྟོབས་ཀྱིས་མ་རིག
155a2 རིག་པར་གྲོལ།། འཁོར་འདས་གཉིས་མེད་བདེ་ཆེན་གསལ་བའི་ངང་།། ཐུན་མོང་མ་ཡིན་སྨྲ་བསམ་འདས་པའི་སྐུ།། དེ་ལྟར་རྟོགས་པས་རྩོལ་བའི་མཐའ་དང་བྲལ།། དེ་ཡི་མཚོན་ཐབས་མན་ངག་ཀུན་གྱི་གཞི།། སྐུ
155a3 གསུམ་ལྷུན་གྲུབ་རྟོགས་པའི་ཤེས་རབ་སྐྱེ།། དོན་གྱི་བཀའ་བཞི་མ་ལུས་གཏན་ལ་ཕེབས།། དགོངས་པ་འདུས་པའི་དགོངས་པ་འདུས་པ་ཡིན།། གསང་བའི་དོན་ཆེན་བློ་ཡི་ཡུལ་ལས་འདས།། ཐུན་མོང་མ་ཡིན་སྨྲ
155a4 བསམ་འདས་པའི་སྐུ།། ཐུགས་ཀྱི་གཏེར་མཛོད་དགོངས་པ་ཀུན་གྱི་ཐུགས།། ཀུན་འབྱུང་ཀུན་མཁྱེན་ཡེ་ཤེས་དག་པའི་གཞི། རིག་དང་མ་རིག་སངས་རྒྱས་སེམས་ཅན་སྣང་།། ངས་བཤད་དོན་གྱི་རྣམ་དག་དབྱིངས
155a5 ཀྱི་ངང་།། ཡེ་ཤེས་མི་འགག་བཅོམ་ལྡན་རྡོ་རྗེ་འཆང་།། ཐུགས་ཀྱི་ཀློང་དུ་འགག་མེད་ཡེ་ཤེས་ཤར།། གློ་བའི་ནང་དུ་དེ་ཡི་རྩལ་ཤར་བའི།། རླུང་དང་འཕྲད་དེ་དེ་ཡིས་རྟོག་པ་འགྱུས།། དེ་ཡི་སྐྱོན་གྱིས་མ་གོས་མཚན
155a6 མ་སོ་སོར་འཛིན།། དེ་བཞིན་རིམ་འགྲོ་རླུང་དང་བྲལ་ནས་གནས།། དེ་ནི་རང་ཤར་ཀུན་ནས་ཀུན་མཁྱེན་འགྱུར།། ལུས་ཀྱི་རྣམ་ཤེས་ཀུན་རྫོབ་ཐིག་ལེ་གསུམ།། ཕྱིར་ཤར་རྩལ་དེ་སྦྲུལ་སྐུ་འབྱིན་པར་བྱེད།། སེམས
iiif viewer powered by OpenSeadragon
