| e-texts navigator |
| Wylie |
154b1 འཕྲད།། སྦུབས་དང་བྲལ་བས་གཟུང་འཛིན་རྣམ་པར་དག། གཉིས་མེད་ཀློང་ནས་ཡེ་ཤེས་འོད་དུ་གསལ།། བདུད་བཞི་རྒྱས་འདེབས་ཡེ་ཤེས་རྩེ་གཅིག་གསལ།། རྟོག་མེད་ཤེས་རབ་འབྲས་བུ་མངོན་སངས
154b2 རྒྱས།། རྡོ་རྗེ་གདན་ལ་རིན་ཆེན་སྐུ་རུ་སྨིན།། དམིགས་སེལ་རྣམ་དྲུག་དོན་གྱི་དགོངས་པ་ཡིན།། ཐུགས་ནི་དཀྱིལ་འཁོར་གསལ་འགྲིབ་ལས་འདས་པའི།། མི་འགྱུར་མ་བསླད་འགག་མེད་ཡེ་ཤེས་གསལ།། མ་ནོར
154b3 མ་བཅོས་དབྱེར་མེད་གྲོལ་བའི་ཆོས།། གནས་སྐབས་ཆོས་ལྔས་སྲིད་པའི་མཐའ་ལ་བསྐྱལ།། ཡི་གེ་རྣམ་དྲུག་དོན་གྱི་གནས་བསྟན་པས།། སྒྲ་སྐད་འབྱུང་དང་ཐུགས་རྗེ་རང་བྱུང་ཞིང་།། མི་གནས་མྱ་ངན་འདས་དང
154b4 དགོངས་པ་རྫོགས།། ཆོས་ལྔ་དོན་གྱི་དགོངས་པ་ཆེན་པོ་ཡིན།། དྲི་མེད་ངང་དུ་ཐམས་ཅད་འདུས།། དེ་མཚོན་ཕྱི་ནང་གསང་བས་བསྡུས་པ་རྣམས།། སྒྲ་དང་བརྡའ་དང་གཉིས་མེད་དོན་དུ་འདུས།། དེ་ཡི་དོན་ལ་རྒྱུ
154b5 རྐྱེན་རྣམ་པར་དག། རང་བྱུང་སྐུ་གསུམ་འགྱུར་མེད་ཆོས་ཀྱི་སྐུ།། རྟོགས་དང་མ་རྟོགས་འཁོར་འདས་ཀུན་ཏུ་ཤར།། སྣ་ཚོགས་སྣང་ཡང་དྲི་མེད་རྣམ་པར་དག། ཚིག་གིས་མཚོན་པས་ཚིག་ལས་འདས་པར
154b6 རྟོགས།། ཚིག་གིས་མཚོན་པ་བློ་ཡི་བྱེ་བྲག་གིས།། བསྒོམ་དུ་ཡོད་དང་མེད་པ་གཉིས་སྤང་ལ།། གཉིས་ལ་ཡོད་མེད་དོན་ལ་རྣམ་པར་དག། དེ་ལྟར་རྟོགས་པས་སྐད་ཅིག་གསུམ་ལ་གྲོལ།། སངས་རྒྱས་སེམས
iiif viewer powered by OpenSeadragon
