| e-texts navigator |
| Wylie |
154a1 ཉིད་ངང་དུ་དག། རང་གི་ངོ་བོ་མ་བསྒྲིབས་ཀུན་ཏུ་གསལ།། སྐྱོན་དང་ཡོན་ཏན་རེ་དོགས་བཟང་ངན་རྣམས།། གཉིས་མེད་བདེ་ཆེན་རྟོག་པའི་མཐའ་ལས་འདས།། ཆོས་ཉིད་དག་པའི་མེ་ལོང་ལྟ་བུ
154a2 ལ།། ཆོས་སྐུ་དག་པ་མེ་ལོང་གཟུགས་ལྟར་ཤར།། གཉིས་མེད་ཆོས་སྐུ་ནམ་མཁའི་བདག་ཉིད་ཅན།། རང་གསལ་འཛིན་མེད་མ་བཅོས་བདེ་བའི་ངང་།། སྟོང་དེ་སྟོང་པ་མ་ཡིན་སྟོང་པའི་སྙིང་པོ་འབྱུང་།། ཤེས་རབ
154a3 འགྱུར་མེད་ཀློང་ནས་འགག་མེད་ཡེ་ཤེས་ཤར།། སྣང་ལ་རང་བཞིན་མེད་དེ་རྣམ་དག་ཆོས་ཀྱི་སྐུ།། ཡོན་ཏན་མི་འགག་དངོས་མེད་ངང་གིས་འབྱུང་།། དེ་ཡི་ངང་ལས་མི་གཡོ་འགག་པ་མེད།། རྒྱུ་རྐྱེན་བྱེད་པ་མེད
154a4 པས་རང་རིག་ཡེ་ཤེས་གསལ།། འཁོར་འདས་ལ་སོགས་ཅིར་སྣང་འཕེལ་འགྲིབ་མེད།། ཕྱི་ནང་སྣོད་བཅུད་སྣང་སྲིད་འཁོར་འདས་ཀུན།། གཉིས་མེད་ཆོས་སྐུ་རྣམ་དག་ཀློང་ཆེན་ན།། མ་འདྲེས་ཡོངས་རྫོགས་གསལ
154a5 ལ་རྟོག་པ་མེད།། ཡོན་ཏན་རང་སྣང་ཐིག་ལེ་རང་སངས་རྒྱས།། སྣ་ཚོགས་སྣང་ལ་རང་བཞིན་ཡོངས་ཀྱིས་མེད།། ཏིང་འཛིན་རྣམ་དྲུག་དོན་གྱི་དགོངས་པ་ཡིན།། མི་གནས་ཡེ་ཤེས་མ་འགགས་ཀུན་ཏུ
154a6 གསལ།། ཐུགས་ཀྱི་མེ་ལོང་ཀུན་གཞི་གཏན་ལ་འབེབས།། ལུང་གི་ཤར་ལུགས་གནས་ལུགས་ཐིམ་ལུགས་ཤེས།། ཐུགས་རྗེའི་སྟོབས་ཀྱིས་རིགས་དྲུག་གནས་སུ་ཤར།། རྟགས་ཀྱི་ཡེ་ཤེས་འགྱུར་མེད་དོན་དང
iiif viewer powered by OpenSeadragon
