| e-texts navigator |
| Wylie |
153b1 དཀྱིལ་ནས།། སྣང་བ་ཆོས་སྐུའི་བར་ན་ཡེ་ཤེས་གསལ།། དེ་ཉིད་རང་གི་ངོ་བོ་ནི།། མྱང་འདས་དོན་གྱི་དགོངས་པ་ཡིན།། གཉིས་མེད་ཆོས་སྐུ་དབྱེར་མེད་ཤེས་རབ་ལས།། མ་འགགས་ཡེ་ཤེས་འབྲས་བུ་གཟུགས
153b2 སྐུར་སྨིན།། ཆོས་སྐུའི་འོད་དང་ལོངས་སྐུའི་ཟེར།། འགྲོ་བ་རིགས་དྲུག་གནས་སུ་ཤར།། ལས་དང་གང་ཟག་ཐུགས་རྗེས་གནས་སུ་སྒྲོལ།། ཀུན་ཏུ་བཟང་པོ་བདེ་ཆེན་ངང་དུ་སྦྱོར།། དྲི་མེད་རྣམ་དག་འབྱེད་མེད་ཤེས
153b3 རབ་གསལ།། མཉམ་སྦྱོར་དོན་གྱི་དགོངས་པ་ཡིན།། རང་རིག་ཡེ་ཤེས་རང་བྱུང་གཉིས་མེད་པས།། མཐའ་བཞི་བདུད་བཞིའི་གནས་རྣམས་རྣམ་པར་དག། མི་གནས་ཡེ་ཤེས་མཚན་ཉིད་ལྔ་དང་ལྡན།། དམ་པ་ཆོས
153b4 སྐུ་འབྲས་བུ་ཡེ་ཤེས་སྐུ།། བྱ་བཙལ་མི་མངའ་རང་བཞིན་ལྷུན་གྱིས་གྲུབ།། ས་ལམ་མི་བགྲོད་འགྱུར་མེད་གཅིག་པ་ཉིད།། བྱ་བཙལ་མི་མངའ་རེ་དོགས་མཐའ་ལས་འདས།། རང་བཞིན་ལྷུན་གྲུབ་ཡེ་སངས་རྒྱས་པའི
153b5 སྐུ།། སྤྲོས་བྲལ་ཀློང་ན་འགྱུར་མེད་རིག་པ་གསལ།། ཐུགས་རྗེ་འགག་མེད་མི་འབྲལ་གཡོས་པ་མེད།། རེ་དོགས་མི་མངའ་རྩོལ་བསྒྲུབ་རྣམ་པར་དག། ཤེས་རབ་རྩལ་རྫོགས་འགྱུར་མེད་དབྱིངས་ན་གསལ།། ཆོས
153b6 རྣམས་ཐམས་ཅད་རང་བཞིན་རྣམ་དག་ཀློང་།། མི་རྟོག་ཆོས་སྐུ་འགག་མེད་ཡེ་ཤེས་གསལ།། སྐུ་དང་ཡེ་ཤེས་རོལ་པ་མཛད་སྤྱོད་ལས།། ཕྱི་ནང་སྣོད་བཅུད་གཟུང་འཛིན་སྣང་བ་རྣམས།། སྤྲུལ་པའི་སྣང་བ་ཆོས
iiif viewer powered by OpenSeadragon
