| e-texts navigator |
| Wylie |
153a1 འབྲལ་མེད་པའི་དགོངས་པ་ནི།། ཆུ་བོ་གང་ག་ཇི་བཞིན་ནོ།། དེ་ལྟར་དོན་ནི་རིམ་པར་སྤྱོད།། མ་འགགས་ཤར་བས་རང་བཞིན་ཏེ།། རྟོགས་པས་མཚན་མ་ཟིལ་གྱིས་གནོན།། མཚན་མ་ཟིལ་གནོད
153a2 སྣང་བ་ཡང་།། རྟོགས་པས་ཡོན་ཏན་རང་གསལ་ཏེ།། རང་ལས་མ་གཏོགས་གཞན་སྣང་མེད།། དེ་དོན་རྟོགས་པའི་རྣལ་འབྱོར་ལ།། རང་མ་ཡིན་པ་གཞན་མེད་ཅིང་།། རང་ཡང་དངོས་གཞི་རྗེས་གྲུབ་མེད།། དེ་བས
153a3 དེ་ལ་གཉིས་མེད་པས།། དོན་ལས་མི་ཉམས་བསྲུང་མཚམས་མེད།། འཕྲལ་ལ་བྱས་པ་མ་ཡིན་ཏེ།། ང་ཡི་རང་བཞིན་ཡེ་ནས་དེ་བཞིན་ཉིད།། ང་ཡི་དོན་གྱི་ཕྱོགས་རེ་ནས།། ཐེག་བརྒྱད་འདོད་པ་ཕྱོགས་རེ
153a4 བརྗོད།། ཐམས་ཅད་ང་ཡི་དབང་དུ་རྫོགས།། ང་ཡི་དོན་ལ་འདའ་བ་མེད།། ང་ཡི་རང་བཞིན་རང་བྱུང་ཡེ་ཤེས་པས།། ལྷུན་གྲུབ་གཞི་ཡི་སངས་རྒྱས་ལས།། བྱ་བཙལ་འབད་རྩོལ་རྣམ་པར་དག། ང་ཡི་དོན་ཆེན་མ
153a5 རྟོགས་པར།། ལུས་ངག་འབད་རྩོལ་ཅི་བྱས་ཀྱང་།། བྱས་ཀྱི་ན་འཛིན་པ་ཆེན་པོར་གྱུར།། གསང་བ་དོན་ཆེན་དགོངས་པ་ཡིན།། དྲི་མེད་རྣམ་དག་རང་རིག་ཆོས་ཀྱི་སྒྲ།། ཡོན་ཏན་འགག་མེད་སྐུ་དང་ཡེ་ཤེས
153a6 གསལ།། བྱ་བྱེད་འབད་རྩོལ་མི་གནས་བདེ་ཆེན་ལྷུན་གྱིས་གྲུབ།། མ་རྟོགས་བློ་ལ་ཕྱི་ནང་འཁྲུལ་པར་ཤར།། རྟོགས་པའི་དོན་ལ་མི་གནས་རྣམ་པར་དག། བྷན་དྷ་འབར་བའི་གཞལ་མེད་ཁང་། རྒྱ་མཚོ་ཆེན་པོ་ཀློང
iiif viewer powered by OpenSeadragon
