| e-texts navigator |
| Wylie |
152b1 ནས་བཅོམ་ལྡན་འདས་རྡོ་རྗེ་འཆང་ཆེན་པོ་རྟོགས་པའི་ཡེ་ཤེས་ཀྱི་དགོངས་པ་ལ་ཞུགས་སོ།། དེའི་ཚེ་གསང་བའི་བདག་པོས་ཞུས་པ།། རྟོགས་པའི་ཡེ་ཤེས་འཁོར་ལོ་གསུང་དུ་གསོལ།། ཞེས་ཞུས་སོ།། སྟོན་པས
152b2 བཀའ་སྩལ་པ་ཉོན་ཅིག། གཞི་གནས་ཀྱི་ཡེ་ཤེས་ལ་མཚན་ཉིད་འཛིན་པའི་ཡེ་ཤེས་ཀྱིས་བསྐོར་ཏེ།། རིག་པའི་སྟོང་པ་དང་དབྱེར་མེད་དང་ཐོགས་པ་མེད་པ་དང་ཐ་དད་གཅོད་པ་བཞིས་བསྐོར་ཏེ། ཤེས་རབ་ཀྱི་སྲོག
152b3 ཤིང་ལ་ཡེ་ཤེས་འཁོར་ལོ་བཞིས་བསྐོར་བ་ན།། ཕྱོགས་ལྷུང་མེད་པའི་ཤེས་རབ་སོ་སོར་རྟོགས་པའི་ཤེས་རབ་ཀྱིས་གཅོད་པའོ།། རིགས་ཀྱི་བུ་དེའི་དོན་ནི་ཀུན་གྱི་ཐུན་མོང་མ་ཡིན་ཏེ། རབ་ཏུ་རྟོགས་པར་དཀའ
152b4 བའོ།། ཀྱེ་ཀྱེ་གསང་བདག་ངེས་པར་ཟུང་།། སྟོན་པ་ལ་སོགས་རྣམ་པ་ལྔ།། གསང་བའི་དོན་ཆེན་གཏན་ལ་ཕབ།། མ་རྟོགས་འཁྲུལ་པར་ཤར་བར་བཤད།། གདམས་ངག་རྣམ་གཉིས་གཙོར་བསྟན་ཅིང་།། རྒྱུ་རྐྱེན
152b5 རང་རིག་གཅིག་པུ་ཉིད།། བདག་རྐྱེན་རང་རིག་ཆོས་སྐུ་ལ།། རྟགས་ཀྱི་ཡེ་ཤེས་མ་འགགས་སྣང་།། དམིགས་རྐྱེན་ཐུགས་ཀྱི་མེ་ལོང་བྱས།། མཚུངས་རྐྱེན་བླ་མའི་གདམས་ངག་བྱས།། ཡེ་ཤེས་འཁོར་ལོས་རབ
152b6 ཅད་པས།། འཁྲུལ་གསུམ་གཞི་གསུམ་ངང་དུ་དག། རང་རིག་ཡེ་ཤེས་བྱ་བཙལ་འདས།། ལས་དང་ཐུགས་རྗེ་རྣམ་པར་དག། བསྒོམས་པས་གཞན་ནས་ཐོབ་པ་མེད།། མ་བསྒོམས་དོན་དང་འབྲལ་བ་མེད།། འདུ
iiif viewer powered by OpenSeadragon
