| e-texts navigator |
| Wylie |
152a1 གཉིས།། ཆོས་སྐུ་གཅིག་ལ་ཐ་དད་པས།། ཟླ་བ་ཉི་མ་ཇི་བཞིན་ནོ།། ཆོས་ཉིད་འགྱུར་བ་མེད་པ་དང་།། རང་རིག་བརྒྱན་དུ་འགྲོ་བའི་ལུས་སེམས་ཤར།། སྟོན་པའི་རྒྱན་དུ་ལུང་དང་མན་ངག་ཤར།། དེ
152a2 རྟོགས་སྐད་ཅིག་བཞིས་གྲོལ་ལ།། རིག་པ་མ་འགགས་ཚུལ་དུ་ཤར།། དེ་ཉིད་མ་འགགས་ཡུལ་ལ་ཤར།། གཉིས་མེད་གཉིས་སུ་མེད་པར་གནས།། གཉིས་མེད་གཟུང་འཛིན་མཐའ་ལས་འདས།། གཞི་ལྡན་དོན་གྱི
152a3 དགོངས་པ་ཡིན།། ཀྱེ་མ་ཀྱེ་མ་རྡོ་རྗེ་འཛིན།། དེ་ལྟར་རྟོགས་པའི་རྣལ་འབྱོར་ལ།། སྐད་ཅིག་གཅིག་གིས་རྫོགས་སངས་རྒྱས།། མི་འགྱུར་གཞི་ཡི་ངང་ལ་བཞུགས།། བག་ཆགས་ལུས་ཀྱིས་བསྒྲིབས་མོད
152a4 ཀྱང་།། མ་ཐུབ་སྒོ་ནང་ཟད་ཐལ་གསལ།། ཡང་ཞུན་དོན་གྱི་དགོངས་པ་ཡིན།། དེ་རྣམས་ངས་བསྟན་ཡིད་ཆེས་བྱེད།། དེ་ཡི་དངོས་གཞི་གོང་བཞིན་བསྟན།། ངེས་པའི་མཚན་ཉིད་ཇི་བཞིན་ཤེས།། དེ་དང་དེ་རྣམས་མི
152a5 འགལ་བར།། གང་ཟག་བློ་ལ་ངེས་ཤེས་བསྐྱེད།། དབང་གསུམ་དོན་གྱི་དགོངས་པ་ཡིན།། ཐིག་ལེ་ཀུན་འདུས་ཆེན་པོ་ལས།། མན་ངག་གི་དགོངས་པ་བསྟན་པའི་ལེའུ་སྟེ་བརྒྱད་པའོ།། །། ཐུགས་རྗེ་ཆོས་ཀྱི
152a6 འཁོར་ལོའི་སྐབས་དོན་ཀུན་ལ་ཁྱབ་པའི་ཐིག་ལེའོ།། ཨ་ཏཱ་ཀ་ཛྙཱ་ན་ཙཀྲ་ཏནྟ་ཨུ་པ་དེ་ཤ་སཱ་ཏ་ས་མ་ཏི་མ་ལ་ཨཱ།། བུ་ཏ་སཏྭ་སརྦ་བུ་ཏ། ཙ་ཀ་ཤུ་སིང་ཏ་ཤི་མ་ཎ་ཛྙཱ་ན་ཨཱ་ན།། བཛྲ་པ་ནེ་ཨ་ཏ་མ་ཏི་ཙ་རི་ཀ་ལ།། དེ
iiif viewer powered by OpenSeadragon
