| e-texts navigator |
| Wylie |
151b1 བཞིན་རིམ་པས་གནས།། དེ་ནི་སྐུ་གདུང་དོན་གྱི་དགོངས་པ་ཡིན།། ཞེས་གསུངས་སོ།། ཐིག་ལེ་ཀུན་འདུས་ཆེན་པོ་ལས།། གདམས་ངག་རྒྱུད་བཞིའི་དགོངས་པ་སྟེ་ལེའུ་བདུན་པའོ།། །། ཨཱ་སུ་ཨུདྦྷ་ཏྲེ་ཤ
151b2 ས་ན་ཙཱ་ཀ་ཧཱ་ཨ་ཧཱ་མ་ཏི་ཨ།། དེའི་ཚེ་བཅོམ་ལྡན་འདས་མན་ངག་དོན་གྱི་དགོངས་པ་ལ་ཞུགས་སོ།། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། མན་ངག་ལུང་གི་དགོངས་པ
151b3 གསུང་དུ་གསོལ།། ཞེས་ཞུས་སོ།། སྟོན་པས་བཀའ་སྩལ་པ།། སྟོན་པ་རྡོ་རྗེ་སེམས་དཔའ་ངས།། རྒྱུད་དང་རྒྱུད་ཀྱི་མན་ངག་དང་།། མན་ངག་ལུང་དང་བཅས་པར་བསྟན།། མན་ངག་དོན་གྱི་དགོངས་པ་ཡིན།། ཆོས
151b4 སྐུ་རིན་ཆེན་ལྟ་བུ་ལ།། ཡོན་ཏན་སྣང་བ་སྐུ་གཉིས་འཆར།། དབྱེར་མེད་འདུ་འབྲལ་མེད་པར་གནས།། ངོ་སྤྱོད་རྣམ་བཞིས་གྲོལ་བར་བྱས།། ཐུགས་ཀྱི་དཀྱིལ་འཁོར་སྒོ་ཕྱེ་སྟེ།། སྐུ་གསུམ་རིན་ཆེན་གཏེར་མཛོད
151b5 བརྟོལ།། མི་འགྱུར་དགོངས་པ་རྣམ་བཞི་རྫོགས།། འགྱུར་མེད་གཅིག་གི་ངང་ལ་གནས།། ཞལ་ཆེམས་དོན་གྱི་དགོངས་པ་ཡིན།། ཆོས་ཉིད་འགྱུར་བ་མེད་པ་དང་།། རིག་པ་འགག་པ་མེད་པ་ལས།། སྣང་ལ་རང
151b6 བཞིན་མེད་པའི་ཡེ་ཤེས་གསལ།། སྙིང་པོ་སྐུ་ལྔ་ཕྱག་རྒྱ་མ་བསྐྱེད་ཚུལ།། ས་བོན་རྒྱུ་རུ་བཤད་པ་དང་།། རྒྱུ་ཉིད་མྱུ་གུའི་ཚུལ་དུ་བྱུང་།། རིག་དང་མ་རིག་བྱེ་བྲག་གིས།། འབྲས་བུ་སངས་རྒྱས་སེམས་ཅན
iiif viewer powered by OpenSeadragon
