| e-texts navigator |
| Wylie |
150b1 སེམས་ཤེས་བྱའི་སྒྲིབ་པ་ཅན།། སེམས་ཅན་སྡེ་རུ་ང་ཡིས་བཤད།། ཡེ་ཤེས་ཆེན་པོ་རྒྱུད་ལ་བཤད། བག་ཆགས་ལུས་ལ་ཐོགས་པ་ནི།། མཚན་ཉིད་ལྔ་ལྡན་གཉིས་མེད་པའི།། ཕུང་པོ་གསུམ་པའི་གནས་སྐབས
150b2 སུ།། བསྡུ་བའི་རིམ་པར་རྣམ་ཕྱེ་བའོ།། དྲི་མེད་རྒྱུད་ཀྱི་དགོངས་པ་ཡིན།། ཀྱེ་མ་ཀྱེ་མ་རིགས་ཀྱི་བུ།། ངས་བསྟན་དོན་གྱི་དགོངས་པ་ལ།། ཤར་བ་མེད་ལ་ནུབ་པ་མེད།། སྐྱེ་བ་མེད་ལ་འགག་པ་མེད།། འགྲོ་བ་མེད
150b3 ལ་འོང་བ་མེད།། གཟུང་འཛིན་རྣམ་རྟོག་རྒྱུན་བཅད་དེ།། འགྱུར་མེད་ཡེ་ཤེས་དོན་རྟོགས་དེ།། གཞི་ཡི་གནས་ལུགས་ཡིན་པར་བཤད།། དེ་དོན་ཀུན་ཏུ་བཟང་པོ་ཡིས།། བཟང་ངན་ཆེ་ཆུང་དབྱེ་བ་མེད།། དེ་ཡི
150b4 གནས་ལུགས་དེས་མཐོང་བ།། ངོ་སྤྲོད་རྣམ་བཞིས་རྟོགས་པ་བསྐྱེད།། ཉོན་མོངས་ལྔ་དང་དོན་གནད་ལྔས།། མ་རྟོགས་བཅིངས་ཏེ་མདུད་བཞིན་བསྡམས་པ་རྟོགས་པས་གྲོལ།། དེ་བཞིན་ཀུན་གྱིས་མི་རྟོག་པས།། བློ
150b5 དང་སྦྱར་ཏེ་སོ་སོར་བཤད།། ནུབ་མེད་རྒྱལ་མཚན་དགོངས་པ་ཡིན།། རིག་པའི་སྐུ་ལ་དབང་བཞི་རྫོགས།། རང་སྣང་འཁོར་ལ་བྱིན་རླབས་དབང་།། དང་པོ་བྱིན་གྱིས་རླབས་ཀྱིས་ཤར།། མཐའ་མ་བྱིན་གྱིས་རླབས
150b6 ཀྱིས་བསྐུར།། རང་ལ་དབང་བསྐུར་རང་ལ་རང་དབང་ཐོབ།། དེ་ཉིད་མཆོག་གྱུར་འཁོར་འདས་ཀུན་ལ་དབང་།། རྫས་ལ་མ་བརྟེན་ཤེས་རབ་སྟོབས་ཀྱིས་བསྐུར།། རིག་པའི་རྩལ་དབང་ཞེས་སུ་བསྟན་པ་ཡིན།།
iiif viewer powered by OpenSeadragon
