| e-texts navigator |
| Wylie |
149b1 སྤོང་མི་རྟོག་མ་གཡོས་དང་ཉིད་དེ།། རང་གསལ་མི་འགག་རང་བཞིན་དོན།། གཉིས་མེད་བདག་ཉིད་ཆེན་པོར་བཤད།། དེ་ཡིས་རྟོགས་པ་མངོན་དུ་ངེས་པར་འགྱུར།། རྣམ་རྟོག་སྦྱངས་པས་མཚན་མ་ཟིལ་གྱིས
149b2 གནོན།། ཆོས་སྐུའི་ངོ་བོར་བདག་ཉིད་མངོན་གྱུར་པས།། དེ་ཡི་ཡོན་ཏན་འགྲོ་ལ་ཐུགས་རྗེ་འཆར།། ཡོད་པར་ཞེན་ལ་མེད་པའི་དོན་བསྟན་པ།། གཞི་སྣང་ཡེ་ཤེས་རང་བཞིན་རྣམ་པར་དག། མི་གནས་ཡེ་ཤེས་ཆུ་བོ
149b3 གང་གཱ་བཞིན།། བསྒོམ་སྒྲུབ་མ་བྱས་རང་བྱུང་ཡེ་ཤེས་སྐུ།། ཚོགས་གཉིས་མ་བསགས་སྒྲིབ་གཉིས་མ་སྦྱངས་པར།། གོང་མའི་དོན་རྟོགས་བདག་ཉིད་མངོན་སངས་རྒྱས།། མ་འོངས་ད་ལྟར་རྗེས་འཇུག་རྫོགས་སངས
149b4 རྒྱས།། དེ་ལྟར་དེ་བཞིན་ང་ཡིས་ལུང་བསྟན་བཞིན།། ཡོན་ཏན་ཕྱོགས་རྗེ་སྐུ་དང་ཡེ་ཤེས་གསལ།། ཆེ་བ་སོ་སོའི་མཆོག་གྱུར་རྣམ་པར་དཔག། མཛེས་པའི་དོན་ཆེན་རྒྱུད་ཀྱི་དགོངས་པ་ཡིན།། རང་རིག་ཆོས
149b5 སྐུ་ཐུགས་རྗེ་མ་འགགས་པར།། སྐྱོབ་པའི་སྐུ་མཆོག་ཡེ་ཤེས་གཟུགས་ཀྱི་སྐུ།། ཤེས་རབ་བདག་ཉིད་མ་འགགས་མཛེས་པའི་སྐུ།། སྣང་ལ་རང་བཞིན་མེད་ཅིང་སོ་སོར་འཕྲོ།། ངོ་བོ་རྣམ་དག་མཚན་ཉིད་ཡེ་ཤེས
149b6 ལྔ།། དེ་ཡི་རང་གདངས་ཡེ་ཤེས་འོད་དུ་འཆར།། དེ་ཉིད་རྣམ་དག་སྣང་ལ་རང་བཞིན་མེད།། ཡོད་མེད་གཉིས་མེད་ཡེ་ཤེས་རང་ཆས་རྫོགས།། བློ་ལས་འདས་ཏེ་དཔག་མེད་ཡེ་ཤེས་སྐུ།། བློ་ཡི་ཡུལ་གྱུར་ཚད་བཟུང
iiif viewer powered by OpenSeadragon
