| e-texts navigator |
| Wylie |
149a1 ས་འཛིན།། བལྟ་བའི་གནས་གཅོད་དོན་གྱི་དགོངས་པ་ཡིན།། འཁོར་གྱི་རིག་པ་འཛིན་པ་ཉོན་ཅིག། ངས་བསྟན་རང་རིག་ཡེ་ཤེས་དེ།། བསྒོམ་དུ་ཡོད་པ་མ་ཡིན་ཏེ།། བསྒོམ་དུ་མེད་པ་ཡང་མ
149a2 ཡིན།། གཉིས་མེད་འདུ་འབྲལ་ཡོངས་ཀྱིས་མེད།། ཆོས་ཉིད་ཀློང་ན་རང་རིག་ཆོས་སྐུ་གསལ།། མཚན་ཉིད་འཛིན་པའི་ཡེ་ཤེས་འགག་མེད་འོད་དུ་གསལ།། སྦྲུལ་སྐུ་མ་འགགས་འོད་ཟེར་ཀུན་ཏུ་འཕྲོ།། མ་རིག་མུན
149a3 སེལ་ཐུགས་རྗེས་གནས་སུ་སྒྲོལ།། དེ་ཡི་ཐབས་སུ་བསྒོམ་དུ་ཡོད་མེད་གཉིས།། གང་ཟག་འབྲིང་ལ་གཞི་ལམ་འབྲས་བུར་བསྟན།། རང་གི་བློ་ལ་འཚམས་ལ་འོས་པར་མཛེས།། གང་ཟག་རབ་ལ་བསྒོམ་དུ་མེད་པར
149a4 བསྟན།། རང་གི་བློ་ལ་འཚམས་ལ་འོས་པས་མཛེས།། ཡང་དག་དོན་ལ་ཡོད་པ་མ་བཀག་པར།། འཛིན་པ་ཕྱོགས་རེར་ཞེན་པ་བཟློག་ཆེད་དུ།། མེད་པར་ཞེན་ལ་ཡོད་པའི་དོན་དུ་བསྟན།། དོན་དམ་སྙིང་པོ་འགྱུར
149a5 མེད་ཆོས་ཀྱི་སྐུ།། འགྱུར་མེད་གཞི་རྟོགས་ཉམས་བླངས་བློ་དངོས་འདྲེ།། མཚན་མའི་སྒྲིབ་གཡོགས་སྤོངས་ཆོད་པ།། འཁྲུལ་པའི་བློ་ལ་སྒྲིབ་གཡོགས་མེད་པར་སྣང་།། ཡེ་ཤེས་རང་གི་ངོ་བོ་སྒྲིབ་མེད་ཟང་ཐལ
149a6 ཏེ།། བློ་དངོས་བསྲེ་ཚེ་འདི་ལྟར་ངེས་པར་ཟུང་།། ཡུལ་མེད་སེམས་མེད་ཅེར་གྱིས་མཐོང་བར་འགྱུར།། དེ་ཚེ་རིག་པ་ཡུལ་ལ་ཤར་བ་ཡིན།། ཚུར་ལ་མི་བསྡུ་མ་བསྐྱོད་ཟང་ཐལ་བཞག། ཐབས་གསུམ་ཉོན་མོངས་མི
iiif viewer powered by OpenSeadragon
