| e-texts navigator |
| Wylie |
148b1 གྲོལ་བའི་རྒྱུད་ལ་སྦྱར།། རྟོགས་པའི་གང་ཟག་ཆོས་ཀྱི་མཐའ་ལས་གྲོལ།། དེ་ལ་མི་གནས་རྣམ་པར་དག་པའི་དབྱིངས།། འགྱུར་མེད་ཀློང་དུ་སྐུ་ལྔ་རྫོགས་སངས་རྒྱས།། དེ་ཉིད་རང་ཡིན་གཞན་ལས་འབྱུང་བ
148b2 མེད།། དེ་ཡི་དོན་རྟོགས་བྱ་བཙལ་ལས་འདས་ཏེ།། སྐུ་གསུམ་རང་ཆས་རྫོགས་པར་གྲོལ་སྨིན་ཏེ།། མི་འགྱུར་སྤྲོས་བྲལ་ཀློང་ན་ཟང་ཐལ་ཡེ་ཤེས་གསལ།། བླ་མེད་རྒྱུད་ཆེན་དོན་གྱི་དགོངས་པ་ཡིན།། ཀྱེ་ཀྱེ་རྡོ་རྗེ
148b3 འཛིན་པ་ཉོན་ཅིག། བླ་མེད་ཡེ་ཤེས་ཟང་ཐལ་དོན་ཆེན་རྟོགས་པ་ཡིས།། ཆོས་ཉིད་རྡོ་རྗེ་ཆོས་སྐུ་དབྱེར་མེད་སྟོང་པའི་ཀློང་ཆེན་དུ།། ཕྱི་ནང་སྣོད་བཅུད་བག་ཆགས་མཚན་མ་དག། གཟུང་འཛིན་མི་གནས་གཉིས
148b4 མེད་ཆོས་སྐུར་གནས།། སྟོང་ཉིད་དོན་རྟོགས་གཉིས་མེད་ཡེ་ཤེས་ཆོས།། འཛིན་པའི་སེམས་མེད་གཟུང་བའི་ཡུལ་དང་བྲལ།། གཟུང་འཛིན་རྟོག་མེད་ཡེ་ཤེས་མཁའ་ལ་གསལ།། མ་རིག་བདག་སྣང་ཆོས་ཉིད་ངང
148b5 དུ་ཐིམ།། ཡེ་ཤེས་ཀློང་ན་རིག་པ་རང་གསལ་བ།། ཐུགས་རྗེའི་འོད་ཀྱིས་མ་རིག་མུན་པ་སེལ།། རང་རིག་རྣམ་དག་ཤེས་རབ་ཀློང་དུ་ཐིམ།། མཚོན་པའི་ཐབས་ཆེན་མཚོན་བྱའི་དོན་ལ་སྦྱོར།། སྒྲ་བསམ་བརྗོད་ལས
148b6 འདས་པ་འབྲས་བུ་ཐུན་གཅིག་ནས།། སྐུ་དང་ཕྱག་རྒྱ་དབྱེར་མེད་ངང་ལ་གསལ།། རང་སྣང་ཡེ་ཤེས་གཞན་སྣང་རྟོག་དང་བྲལ།། རྟོག་པའི་ཤེས་རབ་རིམ་པས་ཟིལ་གནོན་ཅིང་།། འཁོར་བའི་ཆོས་མེད་རིག་པ་རང
iiif viewer powered by OpenSeadragon
