| e-texts navigator |
| Wylie |
148a1 ཕྲིན་ལས་མ་བཙལ་ལྷུན་གྱིས་གྲུབ།། ནམ་མཁའ་ལྟ་བུའི་ཆོས་ཉིད་དག་པ་ལས།། ཉི་མ་ལྟ་བུའི་སྐུ་གསུམ་འདུ་འབྲལ་མེད།། བྱ་བཙལ་མེད་པའི་ཐབས་ཆེན་གྱིས།། མ་རིག་མུན་པ་སེལ་བར
148a2 མཛད།། ནམ་མཁའ་ཉི་མ་ལྟ་བུ་རྒྱུད་ཆེན་དགོངས་པ་ཡིན།། ཞེས་གསུངས་སོ།། ཐིག་ལེ་ཀུན་འདུས་ཆེན་པོ་ལས། ཡོན་ཏན་ཕྲིན་ལས་ཀྱི་རྒྱུད་བཤད་པ་སྟེ་ལེའུ་ལྔ་པའོ།། །། ཨུ་པ་དེ་ཤ་ཏནྟ་ཀ་ལ་ས་དྷཱ
148a3 ཨ། དེའི་ཚེ་ཡང་སྟོན་པ་རྡོ་རྗེ་འཆང་ཆེན་པོ་དེ། མན་ངག་དོན་གྱི་དགོངས་པ་ཆེན་པོ་བཞི་ལ་བཞུགས་སོ།། དེའི་ཚེ་གསང་བའི་བདག་པོས་ཞུས་པ། མན་ངག་རྒྱུད་ཆེན་རིམ་པ་གསུང་དུ་གསོལ།། ཞེས་ཞུས
148a4 སོ།། སྟོན་པས་བཀའ་སྩལ་པ། ལག་ན་རྡོ་རྗེ་ལེགས་པར་ཟུང་ཞིག། ལྟ་བའི་ངོ་བོའི་མན་ངག་ནི།། འབྱེད་མེད་ཤེས་རབ་གསལ་ལ་རྟོག་པ་མེད།། ལོགས་ན་མི་གནས་རང་རིག་ཡེ་ཤེས་ཉིད།། ཐུགས་ཀྱི་ཀློང་ན
148a5 འགྱུར་མེད་འགག་པ་མེད།། མི་རྟོག་ཆོས་སྐུ་འགག་མེད་ལོངས་སྤྱོད་སྐུ།། རྣམ་དག་དབྱིངས་ལ་ཡེ་ཤེས་མ་བསྒྲིབས་གསལ།། ཐུགས་རྗེའི་སྤྲུལ་པ་ཡེ་ཤེས་ཟང་ཐལ་ཡིན།། དེ་ལས་གང་གྱུར་ཡེ་ཤེས་ལོགས་ན
148a6 མེད།། དེ་ཉིད་མཆོག་གྱུར་ཡེ་ཤེས་བླ་མ་ཉིད།། རྒྱུ་རྐྱེན་མེད་པར་རང་བྱུང་ཡེ་ཤེས་གསལ།། རང་རིག་ཡེ་ཤེས་ཆོས་རྣམས་ཀུན་གཞི་ཉིད།། མ་ནོར་མ་བཅོས་དབྱེར་མེད་རྟོགས་པའི་མཆོག། སྐུ་གསུམ་ངོ་བོར
iiif viewer powered by OpenSeadragon
