| e-texts navigator |
| Wylie |
147b1 ཤེས་དངོས་རྟོག་མཐའ་དང་བྲལ།། སྨྲ་བསམ་བརྗོད་མེད་རང་བཞིན་རྣམ་པར་དག། མ་བཙལ་བཞག་པས་འདུ་འབྲལ་ཡོངས་ཀྱིས་མེད།། རང་རིག་ཟང་ཐལ་ཆེན་པོ་ལས།། སྒྲིབ་མེད་རང་སྣང་རྩེ་གཅིག
147b2 གསལ།། བློས་བཞག་བསྒོམ་པས་གྲོལ་འདོད་པ།། མ་ཚོར་ཡིད་ཀྱི་ཡུལ་གྱུར་པས།། རིན་ཆེན་གསེར་ཀྱི་སྒྲོག་བཅུག་བཞིན།། གཟུང་འཛིན་རྩོལ་བས་བསྡམ་ཞིང་འཆིང་།། ལྔ་པ་དོན་གྱི་དགོངས་པ་ཡིན།། ཞེས
147b3 གསུངས་སོ།། ཐིག་ལེ་ཀུན་འདུས་ཆེན་པོ་ལས། ཐུགས་ཀྱི་རྒྱུད་ཀྱི་དོན་གྱི་དགོངས་པ་བསྟན་པའི་ལེའུ་སྟེ་བཞི་པའོ།། །། རཏྣ་ཀ་དྷ་མ་ཏ་མཱ་ཏཱ་ན་ཨ་ཏ་ཀ་ལ་ས་ཏུ་ཨ།། དེའི་ཚེ་ཡང་སྟོན་པ་རྡོ་རྗེ་འཆང་ཆེན
147b4 པོ་དེ། ཡོན་ཏན་འགག་པ་མེད་པ་དང་།། ཕྲིན་ལས་ཐོགས་པ་མེད་པའི་དགོངས་པ་ལ་བཞུགས་སོ།། ཡང་དེའི་ཚེ་གསང་བའི་བདག་པོས་ཞུས་པ།། ཡོན་ཏན་ཕྲིན་ལས་དགོངས་པ་གསུང་དུ་གསོལ།། ཞེས་ཞུས
147b5 སོ།། སྟོན་པས་བཀའ་སྩལ་པ། རང་རིག་ཆོས་སྐུ་དངོས་མེད་དག་པ་ལས།། ཡོན་ཏན་སྒོ་ཡངས་སྣང་བ་སོ་སོར་ཤར།། ཆོས་ཉིད་ངང་ནས་མ་འདྲེས་སོ་སོར་གསལ།། ཆོས་སྐུའི་ཐུགས་རྗེས་ལོངས་སྐུ་ཡོངས་སུ
147b6 ཤར།། དེ་ཡི་ཐུགས་རྗེས་འགྲོ་བ་གནས་སུ་སྒྲོལ།། རྟོག་པའི་མཐའ་སེལ་ཡོན་ཏན་ཕྱོགས་རེ་བརྗོད།། ཨ་ཏིའི་ངང་དུ་མ་འདྲེས་རྫོགས་པར་བསྐྱལ།། ཡོན་ཏན་འགག་མེད་དོན་གྱི་དགོངས་པར་བཤད།། སངས་རྒྱས
iiif viewer powered by OpenSeadragon
