| e-texts navigator |
| Wylie |
147a1 སངས་རྒྱས་ངོ་བོར་ཤེས།། སྐུ་ལྔ་ཡེ་ཤེས་ལུས་ཅན་རྫོགས།། བཞི་བཅུ་རྩ་གཉིས་འོད་དུ་གསལ།། རང་རང་ཡེ་ཤེས་གདངས་ལ་བཞུགས།། གསལ་འཚེར་ལྷུན་སྡུག་འོད་ཟེར་འཕྲོ།། ཡེ་ཤེས་ལྔ་ཡི
147a2 གཞལ་མེད་ཁང་།། གསལ་དང་དྲོད་དང་བསིལ་བ་དང་།། ཡང་དང་ཡངས་ཤིང་ཁྱབ་པའི་བདག། ཀུན་འབྱུང་ཡེ་ཤེས་ཕུང་པོར་འབར།། གདན་གསུམ་ངང་ལ་མ་བསྐྱེད་རྫོགས།། སྦྱོར་བ་གསུམ་གྱི་སྤྲུལ་པ
147a3 འབྱིན།། འགྲོ་བའི་མ་རིག་མུན་པ་སེལ།། ཐུགས་རྗེ་འབྱུང་བའི་དགོངས་པ་ཡིན།། ཀྱེ་མ་ཀྱེ་མ་རྡོ་རྗེ་འཛིན།། རིན་ཆེན་ཟུར་བརྒྱད་ཉི་ཟླའི་ཁང་པ་ན།། སྐུ་དང་ཡེ་ཤེས་བུམ་པའི་མར་མེ་ལྟར།། ལོགས་ན་མི་གནས
147a4 རང་བཞིན་ལྷུན་གྱིས་གྲུབ།། རྟོགས་པས་འདུ་འབྲལ་མེད་པའི་དགོངས་པ་ཡིན།། ཡེ་ནས་སངས་རྒྱས་ཆེན་པོ་ལས།། ལུས་ངག་ཡིད་གསུམ་བྱ་བ་ཡིས།། ས་དང་ལམ་རྣམས་རིམ་བགྲོད་དེ།། སངས་རྒྱས་ཡེ་ཤེས
147a5 བཙལ་དུ་མེད།། ཆུ་ཡི་རང་བཞིན་དངས་པ་ལ།། རྙོག་པས་དེ་བཞིན་མི་གསལ་བཞིན།། ཆོས་སྐུའི་རང་བཞིན་སངས་རྒྱས་ལ།། སྐུ་གཉིས་མ་བཙལ་ལྷུན་གྱིས་གྲུབ།། ལུས་ངག་རྩོལ་བས་བསལ་མི་ནུས།། ང་ཡི་ངོ་བོ
147a6 དག་པ་ལ།། དགེ་དང་སྡིག་པ་གདོད་ནས་མེད།། མེད་པའི་ཆོས་ལ་ཕན་གནོད་མེད།། བྱས་པའི་ཆོས་ཀྱིས་སངས་མི་རྒྱ།། མ་བཅོས་རང་གིས་ངང་ལ་བཞག། བྱ་བཙལ་འདས་པའི་དགོངས་པ་ཡིན།། མི་གནས་ཡེ
iiif viewer powered by OpenSeadragon
