| e-texts navigator |
| Wylie |
146b1 ཚེ་སྟོན་པ་རྡོ་རྗེ་འཆང་ཆེན་པོ་དེ་ཐུགས་འགྱུར་བ་མེད་པའི་དགོངས་པ་ལ་བཞུགས་སོ།། དེའི་ཚེ་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ཐུགས་ཀྱི་རྒྱུད་ཆེན་དགོངས་པ་གསུང་།། ཞེས
146b2 ཞུས་སོ།། དེ་ནས་སྟོན་པས་བཀའ་སྩལ་པ།། ལག་ན་རྡོ་རྗེ་ལེགས་ཟུང་ཞིག། རང་རིག་ཡེ་ནས་རྣམ་དག་པས།། ཉོན་མོངས་པ་ཡི་དྲི་མ་མེད།། ཡེ་ནས་རང་བྱུང་ཡེ་ཤེས་པས།། རྒྱུ་རྐྱེན་མེད་པར་གཉེན་པོ་མེད།། ཡེ
146b3 ནས་གཉིས་མེད་ཆོས་སླུ་བས།། འཁྲུལ་པའི་བག་ཆགས་བསླད་པ་མེད།། རྡོ་རྗེ་བཞིན་དུ་འགྱུར་བ་མེད།། གཞི་ལ་ཡོན་ཏན་འགག་པ་མེད།། ཐམས་ཅད་མ་བཙལ་ལྷུན་གྱིས་གྲུབ།། བྱ་བཙལ་འདས་པའི་ཆོས་ལ
146b4 གནས།། འདུ་འབྲལ་མེད་པས་སྐུ་གསུམ་རྒྱན།། ཚིག་དང་དོན་གྱིས་མཚོན་དགོངས་ཡིན།། ས་གཞི་ལྟ་བུའི་རང་རིག་ལས།། རྩི་ཤིང་ལྟ་བུའི་འཁོར་འདས་སྣང་།། མི་འགྱུར་ཆོས་ཉིད་སྤྲོས་དང་བྲལ།། རང་རིག་ཡེ
146b5 ཤེས་མན་ཤེལ་བཞིན།། འགྱུར་མེད་ཡེ་ཤེས་རྒྱ་མ་ཆད།། ལྷུན་གྲུབ་ཡེ་སངས་རྒྱས་པ་ལ།། ངོ་བོ་མི་འགྱུར་ཐུགས་རྗེ་འགག་པ་མེད།། དང་པོ་གནས་ལུགས་དགོངས་པ་ཡིན།། ཀྱེ་མ་རིགས་ཀྱི་བུ་ལེགས་པར་ཟུང
146b6 ཞིག། མི་གནས་ཡེ་ཤེས་ཆོས་ཀྱི་སྐུ།། ཡེ་ཤེས་ལྔ་ཡི་མཚན་ཉིད་ཅན།། རང་བྱུང་ཡེ་ཤེས་འབྱུང་བ་ལྔ།། ཆོས་ཉིད་དག་པའི་ཀློང་དུ་ཤར།། ཐིག་ལེ་འོད་ཀྱི་ཁ་དོག་ལྔ།། མཐིང་ག་ལ་སོགས་ཁ་དོག་ལྔ།། རིགས་ལྔའི
iiif viewer powered by OpenSeadragon
