| e-texts navigator |
| Wylie |
146a1 འཁོར་བ་ཁེང་ཟློག་གིས། མི་འགྱུར་དོན་གྱི་སྙིང་པོ་དེ་གདམས་ངག་གཉིས་ཀྱིས་བཀྲོལ་ཏེ་བསྟན།། ཐུགས་ཀྱི་སྙིང་པོའི་དགོངས་པ་ཡིན།། དེ་ཡི་དུས་གཞི་སྣང་བ་གཏན་ལ་ཕེབས།། མི་འགྱུར་དང་ལ
146a2 སྐུ་གསུམ་གནས།། ཆོས་ཉིད་ཆོས་སྐུ་ཡེ་ཤེས་ནི།། སྐུ་དང་གསུང་དང་ཐུགས་སུ་གསལ།། གྲུབ་པ་མཐར་ཕྱིན་འཁྲུལ་པ་མེད།། སྟོང་མཐུན་མ་གཞིའི་དགོངས་པ་ཡིན།། རིགས་ཀྱི་བུ་དོན་དེ་ཀུན་གྱི་ཐུན་མོང་མ་ཡིན
146a3 ཏེ།། རིགས་ཀྱི་བུ་རྒྱུད་སོ་སོར་ཟུང་ཞིག། ཀུན་ལས་ཆེ་ལྔས་འཕགས་པ་ནི།། དེ་ཡི་གདམས་པར་ངས་བསྟན་ཏོ།། དེ་ལྟར་གདམས་པ་སྒྲོགས་སུ་ནི།། བར་ཆད་སེལ་དང་ཚིག་རྫོགས་ལས།། སྣོད་བཅུད་འགྱུར་མེད
146a4 མན་ངག་མཐར་ཕྱིན་ཕྱིར།། བླ་མ་སངས་རྒྱས་བཅས་པ་དང་།། བྱང་སེམས་ཆོས་སྐྱོང་སྲུང་མ་དང་།། རིག་འཛིན་རིམ་པ་ཚོགས་ཀྱིས་མཆོད།། རིག་པ་འཛིན་པ་ས་ལ་བསྐུལ།། བར་ཆད་སེལ་འགྱུར་ངས་ལུང
146a5 བསྟན།། དགུ་པ་དོན་གྱི་དགོངས་པ་བསྟན།། མ་འོངས་རྗེས་འཇུག་དོན་མཛད་པས།། མ་ནོར་དོན་གྱི་རྒྱུད་ཆེན་ལྔ།། དགའ་རབ་ལ་སོགས་འཁོར་ལ་བཤད།། དེ་བཞིན་ཤོད་ཅིག་རྗེས་སུ་གནང་།། འཇུག་པའི
146a6 དགོངས་པས་ངས་བཤད་དོ།། ཞེས་གསུངས་སོ།། ཐིག་ལེ་ཀུན་འདུས་ཆེན་པོའི་རྒྱུད་ལས།། གསུང་གི་རྒྱུད་བསྟན་པའི་ལེའུ་སྟེ་གསུམ་པའོ།། །། བོ་དྷི་ཙིཏྟ་ཏནྟྲ་མ་ཧཱ་ས་མ་ཏི་ཨ་ཏ་ཀ་མ་ཧཱ་ས་རུ་ཨ། དེའི
iiif viewer powered by OpenSeadragon
