| e-texts navigator |
| Wylie |
145b1 མཆོག་ཏུ་གསང་བར་གནས།། ཆེ་བའི་ཡོན་ཏན་དགོངས་པ་ཡིན།། ངས་བཤད་པདྨ་འཁྱིལ་པའི་རྒྱུད།། ཚིག་རྒྱུད་ཀུན་གྱི་རྩ་བ་སྟེ།། དེ་སོགས་རྒྱུད་ཀྱི་བཤད་རྒྱུད་པས།། པདྨ་འཁྱིལ་པའི་མན་ངག་གིས།། གཞི་ཡི་མ
145b2 རིག་མུན་བསལ་ནས།། རྟོག་པའི་རྡོ་རྗེ་རང་སྣང་བས།། མུན་པའི་སྒྲོན་མེའི་དགོངས་པ་ཡིན།། གཞི་དང་ཡོན་ཏན་མ་འགགས་པས།། འཁོར་འདས་གཉིས་སུ་སྣང་ཞིང་འབྲེལ།། དངོས་པོའི་དོན་ལ་གཉིས་མེད
145b3 པར།། བྱིན་གྱི་རླབས་ཀྱིས་སྣང་ཞིང་འཆར།། བཞུགས་ཤིང་འབྱུང་བས་གཞི་ཉིད་དེ།། རིན་ཆེན་ཕྲེང་བའི་དགོངས་པ་ཡིན།། ངོ་བོ་སྤྲོས་པ་ལས་འདས་ཤིང་།། ཉོན་མོངས་རྟོག་པའི་ཟུག་རྔུ་ཞི།། ཐུགས་རྗེ་སྐུ་གཉིས
145b4 མི་འགག་པས།། རང་རིག་ཡེ་ཤེས་ཆེན་པོར་འདུས།། འཁོར་འདས་སྤྱི་ཡི་དོན་བསྟན་པ།། འཇམ་དཔལ་ཡེ་ཤེས་འདུས་པའི་དགོངས་པ་ཡིན།། ཀྱེ་མ་རིགས་ཀྱི་བུ་ལེགས་པར་ཟུང་ཞིག། གཞི་སྣང་ཆེན་པོའི
145b5 འདུག་ཚུལ་ལས།། འཁོར་འདས་གཉིས་སུ་ཤར་བ་ནི། བསྐལ་པ་དང་པོ་ལ་སངས་རྒྱས་འོད་མི་འགྱུར་བ་འཁོར་འདས་ཀྱི་ཆོས་ཐམས་ཅད་ས་བོན་དུ་གནས་པའོ།། བར་དུ་མ་འགགས་པའི་ཡེ་ཤེས་འོད་དུ་ཤར་ཏེ་མྱུ
145b6 གུ་ལྟ་བུའོ།། ཐ་མ་འབྲས་བུ་མངོན་པར་སྣང་སྟེ།། སངས་རྒྱས་སེམས་ཅན་གཉིས་སུ་སྣང་ཞིང་སྨིན་ཏེ།། འཁྲུལ་པ་གསུམ་དུ་སྣང་ངོ་།། དེའི་ཚེ་དེའི་གཉེན་པོ་རྡོ་རྗེ་སེམས་དཔས་ཐོག་མའི་སངས་རྒྱས་ངོ་སྤྲད་དེ།
iiif viewer powered by OpenSeadragon
