| e-texts navigator |
| Wylie |
145a1 མེད་པས་ནམ་མཁའ་ལྟ་བུའི་ཆོས་ཉིད།། སྟོང་པ་རྡོ་རྗེའི་ཆོས་ཅན།། དེ་ཡང་གདོས་པ་ཅན་གྱི་ཆོས་མིན་ཏེ།། ཡོན་ཏན་གྱི་སྒོ་ཡངས་པས།། རང་བྱུང་ཡེ་ཤེས་འགག་པ་མེད་དོ།། དེ་ལ་ནུབ་པ་མེད་ཅིང
145a2 དོན་དངོས་པོ་མཚན་མ་འབིགས་གཅོད་ལ་གོང་ན་གཞན་མེད་པས་རྩེ་མོའོ།། དོན་ཐམས་ཅད་འདུས་པས་ནི།། ཐམས་ཅད་ཀྱི་གཞི་རྩ་དང་དགོངས་པ་ཞེས་བྱའོ།། གཞི་མཚོན་པའི་ཐབས་སུ་གསུང་རྒྱུད་བསྟན
145a3 ཏེ།། བཤད་པའི་རྒྱུད་ཆེན་པོ་འདིས་རྒྱུད་རྣམས་ཀུན་གྱི་དོན་རྡོ་རྗེ་ལྟ་བུ་འདིས་གཅོད་ཅིང་འབིགས་ལ་རྒྱུད་རྣམས་ཀྱི་དགོངས་པ་དང་བཤད་ཟབས་འདིར་འདུས་པར་ངས་བསྟན་པ་ནི། རྒུད་རྣམས་ཀྱི་ཚིག་དོན་ལ
145a4 སྦྱོར་བས་མཚན་གྱི་དོན་གྱི་དགོངས་པའོ།། ཀྱེ་འཁོར་གྱི་ཏིང་ངེ་འཛིན་རྣམས། འབྱུང་བཞི་རང་རིག་ཡེ་ཤེས་ནི།། དང་པོ་རྒྱུ་ལས་མ་བྱུང་ཞིང་།། བར་དུ་རྐྱེན་ཀྱིས་གྲོགས་མ་བྱས།། ཐ་མ་གཉེན་པོས་མི་འཇུག
145a5 པས།། རྡོ་རྗེ་ལྟ་བུའི་ཆོས་སྐུ་སྟེ།། རང་གི་ངོ་བོ་དག་པ་ལ།། རང་བཞིན་ཐུགས་རྗེ་མི་འགག་འབྱུང་།། ཡེ་ཤེས་རང་བྱུང་དགོངས་པ་ཡིན།། ངས་བཤད་རྒྱུད་ལུང་ཐམས་ཅད་ལ། ཁུངས་དང་ལོ་རྒྱུས་ཡོད་པའི
145a6 ཕྱིར།། སྟོན་པ་གསུམ་ལ་བསྟན་པ་གསུམ།། འཁོར་གསུམ་གནས་དང་དུས་ཀྱང་གསུམ།། ལྔ་གསུམ་བཅོ་ལྔས་གཏན་ལ་ཕབ་པའོ།། ངེས་པའི་རྒྱུད་ཆེན་རྣམ་པ་ལྔ།། ཡོན་ཏན་སྣང་ཚུལ་རྣམ་པ་ལྔས།། ཀུན་ལས
iiif viewer powered by OpenSeadragon
