| e-texts navigator |
| Wylie |
144a1 ག་མན་ཆད་ནས།། མུ་སྟེགས་རྟག་ཆད་ཡན་ཆད་ཀྱི།། བློ་ཡི་ཞེ་འདོད་མི་གནས་པར།། རང་རིག་ཡེ་ཤེས་གཏན་ལ་ཕེབས།། བློ་དང་དངོས་པོའི་དོན་ཆོད་པས།། སྤུ་གྲི་ལྟ་བུའི་དགོངས་པ་ཡིན།། རང
144a2 རིག་དག་པའི་ཆོས་སྐུ་ལ།། ཡེ་ཤེས་སྤྱན་གྱི་མྱུ་གུ་ལྔ། ཁ་དོག་ལྔ་ཡི་བདག་ཉིད་ཅན།། མ་འགགས་ཟླ་བའི་མྱུ་གུར་ཤར།། རྟོགས་དང་མ་རྟོགས་ཁྱད་པར་གྱིས།། འཁོར་དང་མྱ་ངན་འདས་པར་ཤར།། སྣ་ཚོགས་སྣང
144a3 བར་ཟད་མོད་ཀྱང་།། རང་གི་ངོ་ལ་རྣམ་པར་དག། སཱ་ལུའི་ལྡང་བའི་དགོངས་པ་ཡིན།། ཆོས་སྐུའི་དོན་མ་རྟོགས་པ་ལ།། གཟུང་འཛིན་རྟོག་པ་སྣ་ཚོགས་ཤར།། དེ་ཡི་གཟུང་འཛིན་སྣང་བ་ཡི།། དེ་ཡིས་ཆོས་ཅན་སྣ
144a4 ཚོགས་ཤར།། དེ་ལ་ཐེག་པ་སྣ་ཚོགས་འཆར།། ལོག་པར་རྟོག་པ་ཕྱོགས་རེ་སེལ།། ངེས་པ་དོན་གྱི་གདམས་པ་ཡིན།། གཞི་སྣང་ཆེན་པོའི་དོན་བརྗོད་པས།། གཞི་ཡི་ཡོན་ཏན་ཕྱོགས་རེ་ཡིས།། མི་མཐུན་རྟོག་པ
144a5 ཕྱོགས་རེ་སེལ།། བློ་ཡི་མཐའ་ལས་ངེས་གྲོལ་བ།། རྟོག་པ་མཐའ་སེལ་དགོངས་པ་ཡིན།། ངས་བསྟན་དོན་གྱི་དགོངས་པ་ལས།། ང་ཉིད་འཇིག་རྟེན་འདས་པའི་ཚེ།། ལོག་ལྟ་ཅན་རྣམས་རྩོད་སྲིད་པས།། ཡང་དག
144a6 དོན་གྱི་མཐའ་ཐོབ་ལས།། དྲི་དང་ལན་གདབ་ལན་བྱུང་བས།། སེང་གེ་རྣམ་པར་འགྱིངས་པ་ཡིས།། གཅན་གཟན་ཕྲ་མོ་ཟིལ་གནོན་ལྟར།། ཆོས་ཉིད་དོན་གྱི་རིག་པ་དང་།། དེ་བཞིན་སྒྲུབ་བྱེད་གཞན་སེལ
iiif viewer powered by OpenSeadragon
