| e-texts navigator |
| Wylie |
143b1 ལྟར་གདམས་ངག་རྣམ་གཉིས་ཀྱིས།། བློ་ཡི་ཐེ་ཚོམ་ཀུན་བྲལ་ཏེ།། ངེས་པའི་ཤེས་པ་སྐྱེས་པ་ནི།། ཚིག་ལ་ནེམ་ནུར་མི་མངའ་བར།། དོན་ལ་གོལ་འཁྲུལ་མེད་པ་ནི།། ལ་ཆོད་དོན་གྱི་དགོངས་པ་ཡིན།། ངས་བསྟན
143b2 དོན་གྱི་མན་ངག་གིས།། སེམས་ཅན་མ་རིག་མུན་པ་སེལ།། རང་རིག་གསལ་བའི་ངོ་ཡང་སྤྲད།། མུན་པ་སེལ་དོན་དགོངས་པ་ཡིན།། སྟོན་པ་རྡོ་རྗེ་སེམས་དཔའ་ངས།། རང་རིག་དག་པའི་ཆོས་སྐུ་ལས།། ཕྱོགས་མེད
143b3 ཡོན་ཏན་འབྱུང་བར་བཤད།། དེ་བཞིན་དག་དང་ཡོངས་རྫོགས་ནས།། དུག་ལྔ་ཡེ་ཤེས་ལྔར་གྲོལ་རྫོགས།། འཁོར་རྣམས་ཀུན་ལ་འཆད་པ་ནི།། ནོར་བུ་རིན་ཆེན་དགོངས་པ་ཡིས།། དཔེར་ན་རིན་ཆེན་སྒྲོམ་བུ
143b4 ལས།། ཅི་འདོད་ཐམས་ཅད་འབྱུང་བ་ལྟར།། དེ་བཞིན་དངོས་མེད་རིག་པ་ལས།། འཁོར་འདས་ཡོན་ཏན་ཚུལ་དུ་ཤར།། རང་རིག་ཡེ་ཤེས་ཆེན་པོ་སྟེ།། བསྒོམ་པས་གཞན་ནས་རྙེད་པ་མེད།། མ་བསྒོམས་སྟོར་དང
143b5 ཤོར་བ་མེད།། ཐུགས་རྗེ་འཚམས་པར་ཆུ་བོ་བཞིན།། རིན་ཆེན་སྒྲོན་མེའི་དགོངས་པ་ཡིན།། པདྨ་འདམ་ན་གནས་ན་ཡང་། ཁ་དོག་མདངས་དང་ལྡན་པ་ཡིན།། འདམ་གྱི་སྐྱོན་གྱིས་གོས་པ་མེད།། འཁྲུལ་པ་རྣམ
143b6 གསུམ་སྣང་མོད་ཀྱང་།། མ་འཁྲུལ་པ་ཡི་སངས་རྒྱས་སུ།། ང་ཡིས་ལུང་བསྟན་ངེས་པའི་དོན།། གསེར་ཕུར་དོན་གྱི་དགོངས་པ་ཡིན།། དེ་ལྟར་ང་ཡིས་གདམས་པ་ཡིས།། རང་རིག་ཡེ་ཤེས་བསྟན་པའི་ཚེ།། ཨ་ནུ་ཡ
iiif viewer powered by OpenSeadragon
